Loma 2:29 - Seysyo No Tao

²⁹ O manoyong a tao do Yotay am mamlis so onowned a omanoyong ji Ama ta do to. Ta ori rana am vazay na ori no Seyzi na ni Ama ta do to. So ikabeken a kahap so iwawalam na ni Ama ta do to a nitaid na ji Moyse. O mahap na azwazway no nimamlis so onowned a tao am beken a apo do tao, ta apo ji Ama ta do to.

Loma 2:29 ပူးပေါင်းရင်းမြစ်များ

Locya 11:39

Maniring si Yeso jya am, “Inyo rana tao a macyagom do Vadisay am nyo ji peylolita o kakanan nyo am onowned nyo am yamapno no yamakakaday a nyo peyraratenan.

Locya 17:21

Abwata o tao a manci no, ‘Cita pala, ta yamyan do jya.’ Ta o italamozong na ni Ama ta do to am yamyan do onowned no tao.”

Yowani 12:43

Ikeykakza da pa o icyatatao da zomwazway sira. Ji dakzan o kazwazway na sira ni Ama ta do to.

Yowani 4:23

So na ikanoyong sicyaikwaya yanimakaranes. O manoyong a omraralay ni Ama ta do to a tao am oyatan no Seyzi o onowned na omraralay ni Ama ta do to. Ta o akman rana sang a tao am isaray na ni Ama ta do to.

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 2:27

So ikanoyong na a meydedna jinyo a tao do Yotay no peyoyaoyyan na ni Ama ta do to. Ta tana myan jinyo so nivatvatkan ni Moyse a iwawalam na ni Ama ta do to a amyongkad do kataotao nyo am nyo ji mangononongi o iwawalam na a peyvazain. Tana da ji yongkaji o kataotao da no beken a tao do Yotay am da pangononongan o iwawalam na ni Ama ta do to.

Loma 3:1

No manoyong kakman na sang am ikongo peypeypangayan no ka tao do Yotay da kano kayongkad da do kataotao da.

Loma 7:6

Am sicyaikwa rana ya am na rana jyagogadan yaten no nivatvatkan a iwawalam na ni Moyse. Ta ori rana am adan rana ori. So ta na pangozayan do na ipananao jyaten no Seyzi a vayo a nakenakem ta ji Ama ta do to.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

1 Kedinto 7:19

Tana niyongkadan a tana jya niyongkadan am meyyangay. O ney makdeng na am kownot ta ji Ama ta do to.

2 Kedinto 10:18

Ta o ipanci na ni Ama ta do to apya so vazay am ori o manoyong a azwazwain. Ta o mapazway so kataotao na am ji na narayan ni Ama ta do to o akman sang.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

1 Tesalonicya 2:4

Ta o yana nipamnekan jyamen ni Ama ta do to am na meypakemkemen jyamen o kapeylimwang namen no Mapasaray a Ciriciring na. Am ori o ji namen mapatareki so ipanci namen a komagkaglaw so icyatatao namen. Ta o makateneng do onowned no tao a Tao do to am iya ori o namen pasarain no vazay namen.

1 Pite 3:4

Ta ney makdeng o kapiya no onowned nyo. Ta o tey yapya so nakenakem do icyatatao na ji makazyazyak a mangay do ikararakehan na am tey mazway o akman sang do tangain na ni Ama ta do to.