Loma 2:27 - Seysyo No Tao

²⁷ So ikanoyong na a meydedna jinyo a tao do Yotay no peyoyaoyyan na ni Ama ta do to. Ta tana myan jinyo so nivatvatkan ni Moyse a iwawalam na ni Ama ta do to a amyongkad do kataotao nyo am nyo ji mangononongi o iwawalam na a peyvazain. Tana da ji yongkaji o kataotao da no beken a tao do Yotay am da pangononongan o iwawalam na ni Ama ta do to.

Loma 2:27 ပူးပေါင်းရင်းမြစ်များ

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Nimlivolivon 13:22

Pakarwen na ni Ama ta do to si Sawlo am pamnekan na si Tawey a panirsirngen da. Maniring si Ama ta do to am, ‘Yako ikaglaw si Tawey anak ni Yesi, ta na miminen o vazay ko ahapen.’

Loma 13:10

O mangarilaw so icyatatao am ji mapeyvazay so marahet a vazay a. Ta o akman rana sang am manoyong rana makahap so nanao na ni Ama ta do to.

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Loma 2:20

Nyo ipanci o kataotao nyo a makananao so jyateneng a tao. Nyo kapanci no kataotao nyo a mapamizing so avayo pa amraralay ni Ama ta do to a tao do yanyo kapakateneng do manoyong a nanao, a yamangozay do iwawalam na ni Moyse.

Loma 2:25

No kamo manoyong a yamahap so iwawalam na ni Ama ta do to am manoyong o keyyan no peypeypangayan no kayongkad do kataotao nyo. Am si ji nyo ngapa o iwawalam na am abwata peypeypangayan no kayongkad nyo do kataotao nyo.

Loma 2:26

Tana ji da yongkaji no beken a tao do Yotay o kataotao da am no ahapen da o iwawalam na ni Ama ta do to am jyabo kaji na pazanodan sira do nimyongkad do kataotao da a tao ni Ama ta do to a avyain na.

Loma 2:29

O manoyong a tao do Yotay am mamlis so onowned a omanoyong ji Ama ta do to. Ta ori rana am vazay na ori no Seyzi na ni Ama ta do to. So ikabeken a kahap so iwawalam na ni Ama ta do to a nitaid na ji Moyse. O mahap na azwazway no nimamlis so onowned a tao am beken a apo do tao, ta apo ji Ama ta do to.

Loma 3:30

Yasa si Ama ta do to. O ikapya namen a tao do Yotay do tangain na am akman sang, ta inyo rana beken a tao do Yotay am no si anoyngan nyo si Ama ta do to am akman kamo sang a vonasen na so raraten.

Loma 8:4

O nikakman na sang ni Ama ta do to am na ikarilaw yaten a ji makataptap so iwawalam ni Moyse. Am ori o na nitovoyan so Seyzi a omoyat jyaten a omonot do isaray na ni Ama ta do to a vazay, a ji rana meyraratenan.

1 Kedinto 7:19

Tana niyongkadan a tana jya niyongkadan am meyyangay. O ney makdeng na am kownot ta ji Ama ta do to.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

Ivoso 2:11

Am ori an, pakanakman nyo so kataotao nyo a ji da nipazasing no tao do Yotay a omraralay ni Ama ta do to no kakwa, do kaji nyo nginaran sira amyongkad do kataotao nyo.

2 Timotay 3:15

Ta mo manakem no ka kanakan mo pa am katenngan mo rana o Seysyo a yamnanao jimo. So ikatopos mo a meyhanhan ni Yeso Kizisto a mapatazadang jimo do kapyapyan.

Sipolay 11:3

O ta ipakateneng do kaniomamamaog na ni Ama ta do to so karawan no ciring na am tana tamo jya nimacita am tamo na to nganoyngi o akman sang. So ikanoyong no yamacita eya nyamaog na ni Ama ta do to no ciring na.