Loma 2:21 - Seysyo No Tao

²¹ Nyo nanawen o aro a tao. Am ikongo yanyo ji makananaoi so kataotao nyo. No kamo maniring am, “Ji kamo manakaw,” am kamo manakaw.

Loma 2:21 ပူးပေါင်းရင်းမြစ်များ

Matay 21:13

Maniring jira am, “O domket do Seysyo a ciring na ni Ama ta do to am, ‘O raralayan nyo nyaken a vahay am peyneynozyan ori no aro a tao.’ Am nyo to peyvaliw a da peyvahayan no manakaw a tao.”

Locya 11:46

Maniring si Yeso am, “Inyo rana ya am tey makasi kanyo an. Ta yatey yaro o yamasalit a vazay a nyo ipanci do tao a peyvazain da. Am inyo am yanyo ji patodotodwa o yasa ka tanoro nyo a yanyo isidong sira.

Locya 12:47

Ta o ji ngonot do ciring na no lawpan a lamlamsoy am tey rako oyaoyyan na no akman sang.

Locya 19:22

Maniring o lawpan jya am, ‘Imo rana ya am yaka tey rahet a lamlamsoy ko an. Meysinaoli o ciriciring mo a iraherahet ko jimo an. Ta mo katenngan yaken a malalansoken a tao a mapamoon so beken a monganay jyaken a komali so beken a nipamowa ko am,

Locya 4:23

Maniring si Yeso jira am, “Ko katenngan inyo a yamapaing so ciring nyo do kamanrarakehan no kakwa a manci no, ‘No ka manoyong a koysang am avavaw pala o kataotao mo.’ Ta ko nimamizing do ciriciring nyo jyaken a yamanci no, ‘Peyvazay pala do jya o mina vazay mo do Cyapaynong.’

1 Kedinto 9:27

So ko apzatan do onowned ko. So ji ko to mangozai do apyahen ko. Ta ori o ji na wakwaki no azaw ko ji Ama ta do to. Ta maraherahet o kavozcin jyaken a kapakahap da sya no pamizngen ko a tao.

Cyalatay 6:13

Am sira rana a nimyongkad do kataotao da am da jyamimin o iwawalam na ni Moyse a yamahap. O da pancyan ninyo a amyongkad do kataotao nyo am da pazwain o kaniomamizing nyo sira.