Loma 2:17 - Seysyo No Tao

¹⁷ Inyo rana a tao do Yotay am nyo ipakazwazway o iwawalam na ni Moyse a kano mina kapamnekan na jinyo ni Ama ta do to amraralay nya.

Loma 2:17 ပူးပေါင်းရင်းမြစ်များ

Matay 3:9

Ji nyo mancyan o kapakaliklik nyo so peyoyaoyyan na ni Ama ta do to, do nyo kapeyineynapo si Apolahan. To ko na macitangayan jinyo am makamaog si Ama ta do to do vato ito so sivosivovoong na ni Apolahan.

Locya 10:28

Maniring jya si Yeso am, “Yamanoyong ori. So pangozayan mo jya. Ta ori o ipakahap mo so to meyyonong a ikavyay no pahad mo.”

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Yowani 5:45

Ji nyo mancyan o ka yaken no mapatwaw so raraten nyo do tangain ni Ama ta do to. Ta o iwawalam ni Moyse yanyo pangozayan am ori o yamapatwaw so raraten nyo.

Yowani 7:19

Si Moyse rana am nitoro na jinyo o iwawalam ni Ama ta do to. Am yabo jinyo o yamanoyong a yamangozay jya. Ikongo nyo naknakman so nyo kawakwak jyaken.”

Yowani 8:33

Maniring sira am, “Yamen rana am komownongan ji Apolahan. So na ikabo pa no yanimapeylamsoy jyamen. Mo ipanci o kasaliway namen no makwa. Ikongo peypeypangayan no ciring mo ang.”

Yowani 8:41

O nyo peyvazain a vazay am vazay no ama nyo.” Maniring sira am, “Yabo na ikararwa ni Ama ta do to a ama namen. So namen ikanoyong a anak na.”

Loma 2:23

Nyo ipakazwazway o na keyyan jinyo no iwawalam na ni Ama ta do to. Am nyo ji peyvazaya. Am ori o na pacikatamwadan jinyo ni Ama ta do to.

Loma 3:27

Am ikongo ipakazwazway ta. Jyabo a. O ko pancyan no nang am beken a ta kahap so iwawalam na ni Moyse o yata ikapya do tangain na ni Ama ta do to. Ta yaomagaz do yata kapeyhanhan ni Yeso Kizisto.

Loma 9:32

O da ikakman sang am yada ji meyhanhanan si Yeso Kizisto. Ta yada ipeyhanhan o da kapya no icicirawat. Am si Yeso Kizisto am akmey veysen a cikadan no tao, ta ji da meyhanhanan.

2 Kedinto 11:22

No si Sipolay a tao sira am Sipolay ko an. No si Isedi a tao sira am Isedi ko an. No si apwapo na sira ni Apolahan am apo na yaken an.

Cyalatay 2:15

“Yajyalas. Ta imo a ka nyaken am ta manoyong a yamacitetngehan do tao do Yotay. So ji ta nginarai so beken a tao do Yotay a ji ngahap so iwawalam ni Moyse.

Ivoso 2:11

Am ori an, pakanakman nyo so kataotao nyo a ji da nipazasing no tao do Yotay a omraralay ni Ama ta do to no kakwa, do kaji nyo nginaran sira amyongkad do kataotao nyo.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 3:1

“Ipeyteygami mo o yamimong no kyokay do Satise. Si maniring ka am, ‘Yamaniring o na yanan no Seyzi na ni Ama ta do to a kano yapito a ka mata no hanit am: Ko katenngan o nyo kasasaodan. Ko katenngan o da kapanci ninyo no tao a yamahap so nanao ko. Am yaji meyngongyod o onowned nyo jyaken.

Ipaziman 3:9

Citahen nyo sira o kalavongan ni Satan a yamanci no yada ka tao do Yotay a yamangalalas. Ipanci ko sira mai a meylilitod do tangain nyo a kapakateneng da na jyaken a marilaw ninyo.