Loma 2:16 - Seysyo No Tao

¹⁶ O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

Loma 2:16 ပူးပေါင်းရင်းမြစ်များ

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Locya 8:17

Ta abo o matayo a vazay a jyababa. Akman sang, ta tana nyo jyatenngi sicyakwaya o nanao ko jinyo am katenngan nyo no makwa.

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Nimlivolivon 10:42

Nipakoyokoy na jyamen o kapeylimwang namen no kanoyong na ni Yeso a nipamnekan ni Ama ta do to a mapacici so mavyay a kano nimawakwak a tao.

Nimlivolivon 17:31

Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

Loma 2:5

Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

Loma 3:6

Beken a akman sang an. Ta no si malas o kapasingsingkad na jyaten ni Ama ta do to am makongo so wanjin a mapeykapyapinpin so tao do karawan.

1 Kedinto 15:1

Manga kakteh, manakem nyo o ninanao ko jinyo no kakwa a Mapasaray a Ciriciring na ni Ama ta do to. Ori rana am nyahap nyo na yamanoyong a yanyo pangozayan.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

Cyalatay 1:11

Manga kakteh, to ko na macitangayan jinyo am o ko ipeylimwang jinyo a Mapasaray a Ciriciring na ni Ama ta do to am beken a nimyapo do tao.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

2 Timotay 2:8

Naknakmen mo si Yeso Kizisto a nimatazak a tao a sivovoong na ni Tawey. Tana da niwakwak am nimirwa a mavyay. Ori o ko ipeylimwang a Mapasaray a Ciriciring.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Sipolay 9:27

Mamimin o tao a ipisa mawakwak. Am no mawakwak o tao am pacicin na ni Ama ta do to.

1 Pite 4:5

Am cyaha, ta mangay o kasazap da si Ama ta do to a yamapeykapyapinpin so mavyay a kano nimawakwak a tao.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.