Loma 2:15 - Seysyo No Tao

¹⁵ O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Loma 2:15 ပူးပေါင်းရင်းမြစ်များ

Yowani 8:9

Mamizing da o ciring na am to sira teyteyras a mangay rana, amyapo do ney rakeh na kangay na do ney anak na a to rana teyteyras a mangay, a kararwa da rana ni Yeso a kano mavakes ang nimavezed.

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Loma 2:14

O beken a tao do Yotay am ji da tenngi o iwawalam na ni Ama ta do to a nivatvatkan ni Moyse. Am amyan so pangozayan da do onowned da. So ipakateneng da do apya kano marahet. So icyakma ney to ngyan no iwawalam na ni Ama ta do to do onowned da no beken a tao do Yotay.

Loma 2:27

So ikanoyong na a meydedna jinyo a tao do Yotay no peyoyaoyyan na ni Ama ta do to. Ta tana myan jinyo so nivatvatkan ni Moyse a iwawalam na ni Ama ta do to a amyongkad do kataotao nyo am nyo ji mangononongi o iwawalam na a peyvazain. Tana da ji yongkaji o kataotao da no beken a tao do Yotay am da pangononongan o iwawalam na ni Ama ta do to.

Loma 9:1

Sicyaikwa rana ya am yamanoyong ko ipanci jinyo. Ji ko palasa o ciring ko, ta ko macikaop ji Kizisto. Yako katenngan o ko ipanci, ta o Seyzi am ori o tomalamozong no onowned ko.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 5:11

Namen katenngan o kapeypanam no kapacici na jyaten ni Ama ta do to. Am ori o namen vavagan do tao a amraralay ni Ama ta do to. Ta yana katenngan o onowned namen ni Ama ta do to. Inaoy si akman kamo sang a makateneng do onowned namen.

1 Timotay 4:2

O somala a nanao am apo do manlita tao. Sira rana am abwata rana o apya nakenakem da a somengseng do marahet a vazay.

Tito 1:15

Ta o ji meypinarek so onowned a tao am abo marahet jira kanekanen da. Am o meyraraten a ji manaralay a tao am abwata o asa ka vazay da apya, mangay do nakenakem da kano onowned da ji macipayok.