Loma 2:14 - Seysyo No Tao

¹⁴ O beken a tao do Yotay am ji da tenngi o iwawalam na ni Ama ta do to a nivatvatkan ni Moyse. Am amyan so pangozayan da do onowned da. So ipakateneng da do apya kano marahet. So icyakma ney to ngyan no iwawalam na ni Ama ta do to do onowned da no beken a tao do Yotay.

Loma 2:14 ပူးပေါင်းရင်းမြစ်များ

Nimlivolivon 10:35

Tana tao do Yotay a tana beken a tao do Yotay am miminen na sira ikaglaw o omraralay nya a tao a mangononong do ciring na.

Nimlivolivon 14:16

No kakwa pa am nipya na inyo a beken a tao do Yotay a to ngonongonong do nakenakem nyo.

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Loma 1:32

Tana katenngan da si Ama ta do to a amwoya no akman so sang a vazay am da jyamamman, ta da ikeykavevek a yamanara so tao a akman sira so vazay.

Loma 2:12

O iwawalam na ni Ama ta do to a nitaid na ji Moyse am abo ori do beken a tao do Yotay a pangozayan da. O raraten da am ori oyyan na nira ni Ama ta do to, ta amyan so ipakateneng da do apya kano marahet. Am o tao do Yotay am ori o yanan no nitaid na a ciriciring na. So pangozayan na ni Ama ta do to do iwawalam na amwoya nira no meyraraten sira.

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Loma 2:27

So ikanoyong na a meydedna jinyo a tao do Yotay no peyoyaoyyan na ni Ama ta do to. Ta tana myan jinyo so nivatvatkan ni Moyse a iwawalam na ni Ama ta do to a amyongkad do kataotao nyo am nyo ji mangononongi o iwawalam na a peyvazain. Tana da ji yongkaji o kataotao da no beken a tao do Yotay am da pangononongan o iwawalam na ni Ama ta do to.

1 Kedinto 11:14

Manngwa, nyo jya kazazap no onowned nyo o kapacimanig no mapatovo so avok a mahakay?

1 Kedinto 9:21

Akman sang no kapacikaop ko do beken a tao do Yotay. Ta ko inarahen sira a ji ngahap so iwawalam na ni Moyse, do ko kahap sira yapanopen. Am beken a kaji ko ngonotan do iwawalam na ni Ama ta do to. Ta yako pangozayan o iwawalam na ni Kizisto.

Ivoso 2:12

No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.