Loma 2:10 - Seysyo No Tao

¹⁰ Am o manidong a tao am tana tao do Yotay a tana beken a tao do Yotay am ipanta na sira so azwazway da kano ikeynakem da kano ikapiya no onowned da.

Loma 2:10 ပူးပေါင်းရင်းမြစ်များ

Matay 10:13

No isaray da inyo no asa ka vahay am ipeynozi nyo sira a kangay na jira no aryarilaw na ni Ama ta do to. No ji da raralayan inyo am cyaha, ta ji na sira arilawan ni Ama ta do to.

Locya 1:79

a kaciray na so ji pa makateneng ji Ama ta do to a manyahey no kawakwak da tao, a kapangonong na nyaten do kapyapyan.”

Locya 12:37

Meysinaoli o lawpan am macita na o lamlamsoy na a yapiya so nakenakem. Ori o nisarayan na nira. Ko pa ciring jinyo am jyabo kaji na meyyaywayob no lawpan a mapalisna sira a kangay na tomaotao so lamlamsoy na.

Locya 19:42

Maniring am, “Inaoy si katenngan nyo sicyaraw eya o ikapya no onowned nyo. Ta yakanyo akmey mavota sicyaikwaya.

Locya 22:14

Maseyrem am macihanghang si Yeso do nipamnekan na amlivolivon no ciriciring na.

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 14:27

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Nimlivolivon 10:35

Tana tao do Yotay a tana beken a tao do Yotay am miminen na sira ikaglaw o omraralay nya a tao a mangononong do ciring na.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 2:9

O yameyraraten rana tao am tana tao do Yotay a tana beken a tao do Yotay am abo jira o makaliklik so alalaw da.

Loma 5:1

O na abnekan jyaten ni Ama ta do to a abo so raraten do tangain na am ta ipeyhanhan si Yeso Kizisto a Panirsirngen ta. So ikanoyong ta rana macikaop ji Ama ta do to.

Loma 8:6

O italamozong no adan na onowned a tao am mangay do kararatan. O italamozong no Seyzi am mahap da o ikapiya no onowned da kano to meyyonong a ikavyay no pahad da.

Loma 9:21

Manngwa, abo o nakenakem na no meytanatana tao a mapeykataretarek so amamaogen na? Jyabo kaji na makamaogan no tao no asa memeh a tana so adwa meytarek so kapyapya a.

Loma 9:23

Am na kapacita nya jyaten so rako a pangangasyan na. Ta yaten rana ya am nipamnekan na yaten a macikazway jya no makwa.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Veydipi 4:7

Ta itoro na jinyo o ikapiya no onowned nyo a ji da tenngi no karwan no tao. Mangay na irapa do nakenakem nyo do nyo kararalay ni Yeso Kizisto.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

Sipolay 2:7

No kamaog mo sira am maveveveh pa sira kano tinsi. Am kanisomakop mo jira no azwazway mo,

Yake 2:22

Si Apolahan rana am no mangay o kapeyhanhan na ni Ama ta do to am mangay o kapatwaw na sya do vazay na.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.