Loma 16:7 - Seysyo No Tao

⁷ Ko ipeyminaminasi o kasina ko no inawan a si Antoniko a kani Yoniya. Sira ori am nimanmanma pa ka nyaken a niomanoyong ji Yeso Kizisto. No kapteng da jyamen am sira ori o mina kararay ko do pamemtengan. Katenngan da sira no nipamnekan na ni Yeso Kizisto a amlivolivon no ciriciring na.

Loma 16:7 ပူးပေါင်းရင်းမြစ်များ

Yowani 14:20

No si marateng o araraw no nang am katenngan nyo o kapacikaop ko na ji Ama. So ikakman nyo sang a macikaop jyaken. Akman jyaken a yamacikaop jinyo.

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Yowani 6:56

O koman so kataotao ko a kano amyop so rala ko a tao am macikaop sira jyaken. So ikanoyong ko na macirapa do onowned da.

Loma 16:10

Ko ipeyminaminasi si Apeydi a jyablis so nakenakem ji Kizisto a kani Aditopo asa ka vahay.

Loma 16:11

Ko ipeyminaminasi o kasina ko so inawan a kakteh ta si Helotyan a kano akma tey kakteh do cinai a si Naciso asa ka vahay a omanoyong ji Yeso.

Loma 16:21

Na ipeyminaminasi inyo no mina kararay ko a si Timotay a nimeylimwang no ciriciring na ni Ama ta do to. O kasina ko no inawan a meyngaran si Lociye a kani Yeson a kani Sosipate am sira mamimin a yameyminaminasi ninyo.

Loma 16:3

Ko ipeyminaminasi si Paycila kani Akwila a kararay ko a mahap so vazay na ni Yeso Kizisto.

Loma 16:6

Ko isaray ji Madiya o zikzikna na jinyo.

Loma 16:8

Ko ipeyminaminasi si Anpodi a kagagan ko a yarana omanod ji Kizisto.

Loma 16:9

Ko ipeyminaminasi pa si Opano a kararay ta a meyvazay ji Kizisto a kani Setawey a kagagan ko.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 9:3

Tana mazavat rana o karilawan na nyaken ni Kizisto do kahap na sira ni Ama ta do to so kasina ko no inawan am apyahen ko o akman sang.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

2 Kedinto 11:23

No si lamlamsoy na sira ni Kizisto am ji ko pazway a ciring ko am jyabo kaji ko a haraharan pa ka nira. Ta yarakorako o zikzikna ko so vazay na ni Ama ta do to. Yako ipiro a da aptengen, yada bakbakan, kaji ko angayan no inawan.

2 Kedinto 12:2

Ko katenngan o keyyan no yasa ka sinjya a mina kapat so icyarwa (14) so awan a nikatkat na do teyngato ni Ama ta do to. Am ko jyatenngi kanimangay na no kataotao na, ta ala pahad na nimangay do teyngato.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Cyalatay 1:22

No kano nang am ji da pa nimacita yaken no sinjya do Yotay.

Cyalatay 2:2

O yangay ko do Yelosaleng am onotan ko o ciring na ni Ama ta do to a manci nya do panipanirsirngen no kyokay so mina vazay ko no kapeylimwang ko no Mapasaray a Ciriciring na ni Ama ta do to do beken a tao do Yotay. Ta ji ko mamyapyan o kapanci da no vazay ko ji Ama ta do to no kakwa a kasicyakwaya abo so peypeypangayan.

Cyalatay 2:6

Am sira rana panipanirsirngen am ji ko ngezsangan o keynakem da, kato da katawwan. Ta si Ama ta do to rana am ji na nita o akman sang. O ko pancyan no nang am abo nikarahet da do ipangnanao ko.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Kelosi 4:10

Na ipeyminaminasi inyo no yako kararay a yada aptengen do jya si Aditako. O kateysa ni Parnapo a meyngaran si Make am yakman sang a yameyminaminasi ninyo. Si Make rana am nipanci ko na o kapeyseysan nyo pa sya si mangay jinyo do dang.

Veydimeng 1:23

Na ipeyminaminasi inyo no kararay ko a si Ipava do pamemtengan a yada aptengen do yanamen kahap so vazay na ni Yeso Kizisto.

1 Yowani 4:13

Yamanoyong ta kapacikaop ji Ama ta do to. So na ikakman sang a yamacikaop jyaten. O ta ipakateneng do dang am na nitoro jyaten o Seyzi.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.