Loma 16:26 - Seysyo No Tao

²⁶ Am sicyaikwaya am yameylimwang rana o nivatvatkan da no panoyonoywan na so ciring na no kakwa. Ori rana am ciring na do peycyamahamahatawan na no to meyyonong a Tao do to. So ikanoyong da na no tao a meyhanhan nya.

Loma 16:26 ပူးပေါင်းရင်းမြစ်များ

Make 16:15

Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan.

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Loma 1:2

O Mapasaray a Ciriciring na ni Ama ta do to am nipatwaw da no panoyonoywan na so ciring na do nivatvatkan da Seysyo no kakwa pa a omagaz do Anak na si Yeso Kizisto a Panirsirngen ta. No hapen do itetngehan ta do tao am iya o sivovoong na ni Tawey.

Loma 1:20

Yajyacita si Ama ta do to. Am nimakalapo no kamamaog na so karawan o kaji na ablisan no ka Tao do to na. Ta apo do nyamamaog na o ipakateneng jya Tao do to arako so oyowyat. So ikabo no tao a omalalas jya.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 15:18

O yamakdeng a yako ipanci am nioyatan na yaken ni Yeso Kizisto a yasomidong so beken a tao do Yotay a yaomanod ji Ama ta do to. Nisidong na yaken do makakaday a vazay a kano nipeylimwangan ko nya.

Loma 15:4

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Loma 3:21

Sicyaikwaya am na rana nipananao jyaten o na kabnek jyaten ni Ama ta do to a abo so raraten do tangain na. Ori rana am beken a iwawalam na ni Moyse, ta monganay do kapeyhanhan ni Yeso Kizisto akman so mina ciring da no panoyonoywan na so ciring ni Ama ta do to.

Cyalatay 3:8

Nipaziman na rana ni Ama ta do to do Seysyo o kabnek na so beken a tao do Yotay a abo so raraten do tangain na, do kapeyhanhan da ni Ama ta do to. So nipazimanan na rana sya ji Apolahan so akman sang a Mapasaray a Ciriciring no kakwa pa. Maniring am, “Mamimin o tao do karawan a ipanta ko so aryarilaw ko, do mo kapeyhanhan nyaken.”

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

Kelosi 1:26

Ori rana am ji da pa nipatwaw no kakwa, a ji da tenngi no tao do karawan. Am na rana nipatwaw sicyaikwaya ni Ama ta do to do amraralay nya tao.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

2 Timotay 1:10

Yarana nimangononong o akman sang a na sidongan jyaten. Ta yarana nimeyhekas si Yeso Kizisto a yamapatazadang jyaten. Am ori o ji ta nyahei no kawakwak ta, ta amyan rana jyaten so to meyyonong a ikavyay no pahad ta. Ori rana am ipanci na jyaten do Mapasaray a Ciriciring na.

Sipolay 13:8

Ta si Yeso Kizisto rana am tana no kakyab a tana sicyaraw eya a tana todangay no makwa am yajyablis.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”