Loma 16:2 - Seysyo No Tao

² Taotawwen nyo ori an, ta ori o vazay ta akmey meyketeketeh do cinai. No amyan so kakzeben na am sidongen nyo. Ta iya rana ori am ney makdeng a nisomidong so aro a tao. So nisidongan na jyakehen.

Loma 16:2 ပူးပေါင်းရင်းမြစ်များ

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Nimlivolivon 9:13

Maniring si Ananiya am, “Mo Panirsirngen, ko nimamizing rana do aro a tao o marahet a vazay na do keyyan da no aro a nipakakasi na a omraralay nimo do Yelosaleng.

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

Nimlivolivon 9:39

So nipacihza da rana ji Pite a mangay do Dita. Makaranes sira am yangay da do kavava no vahay na ni Tapitay. So nikamimin da no vao a mavakes amlimot sya amlavi a mapacita no nitapang na ni Tapitay a ayob da no kapeyigegen na pa do karawan.

Nimlivolivon 9:41

Am ori o nyalakan na so lima na ni Pite a patanken a kapanci na no aro a vao a mavakes a kano karwan da omraralay ni Yeso a somdep rana. So nipakacittan da rana si Tapitay a nimirwa a mavyay.

Loma 15:7

Makapya kamo so nakenakem do kadwan jinyo. Ta yakman sang si Yeso Kizisto a apya so nakenakem jyaten. Ta ori sarayan da ni Ama ta do to no tao.

Loma 16:15

Ko ipeyminaminasi pa si Veyaytaw a kani Yodiya kani Nidiya kano kakteh na mavakes a kani Awdinpa kano aro a sinjya a kararay da.

Loma 16:23

O yako pacivahayan a meyngaran so Cyayo a yamrara so sinjya a yameynozi do vahay da am yakman sang a yameyminaminasi ninyo. Si Ilato a yatomalamozong no nizpi do keymiminili namen ya kani Kose am yakman sang sira yameyminaminasi ninyo.

Loma 16:6

Ko isaray ji Madiya o zikzikna na jinyo.

Loma 16:9

Ko ipeyminaminasi pa si Opano a kararay ta a meyvazay ji Kizisto a kani Setawey a kagagan ko.

Ivoso 5:3

Ji nyo pasngesngena o mangzakza kano pangagoman nyo. Ta o akman rana sang am no peyyanen do onowned ori a kapeynyagamo nya am tey marahet o akman sang. Ta akmey anak na rana inyo ni Ama ta do to. So ikapyapya na no kasaray nyo no sidongan na jinyo ni Ama ta do to.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 2:29

Am ori an, isaray nyo a tomaotao sya, do nyo kakmey meyketeketeh do cinai. So kanigan nyo no akman sang a tao an.

Kelosi 4:10

Na ipeyminaminasi inyo no yako kararay a yada aptengen do jya si Aditako. O kateysa ni Parnapo a meyngaran si Make am yakman sang a yameyminaminasi ninyo. Si Make rana am nipanci ko na o kapeyseysan nyo pa sya si mangay jinyo do dang.

1 Timotay 2:10

Ahapen da o apiya icicirawat, ta ori o manoyong a omraralay ni Ama ta do to a mavakes.

2 Timotay 1:18

Inaoy no ikasi na ni Yeso a Panirsirngen ta no si marateng rana o yai na a mapeykapyapinpin so tao do karawan. Yamo katenngan rana o aro a vazay a nisidongan na jyaken no keyyan ko pa do Ivoso.

Tito 2:3

Vavagan mo sira o rarakeh a mavakes a kapiya da so nakenakem. Ji sira manamwad. Ji da macikeyyani o saki. Ta naknakmen da o kapeycitacita da jira no malalavayo a mavavakes.

Veydimeng 1:12

Ko na peysinaolin jimo sicyaikwaya si Onaysemo a mangay jimo do dang, a ney kaglaw ko akmey minapodpod jyaken.

Veydimeng 1:17

Am ori an, no si anoyngan mo yaken a kagagan mo am akmey kataotao ko rana iya a taotawwen mo do vahay mo.

2 Yowani 1:10

No amyan so tao a omnanao jinyo a katarek no ipangnanao na am ji nyo amya mangay do vahay nyo. Ji nyo nirsirnga.