Loma 16:17 - Seysyo No Tao

¹⁷ Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

Loma 16:17 ပူးပေါင်းရင်းမြစ်များ

Matay 18:17

No ji na pa ngamiznga am to mo nangayan do tangain no aro a sinjya a manci no cinapowapwan na no vazay. No ji na pa ngamiznga sira am to nyo rana ngopas o ngaran na, kaji na rana macibedbedan jinyo.

Matay 18:7

To sira makasi o tao do karawan a kalittan a meyraraten. O raraten no tao am kangay na ori. Am o tao a yapwan no kapeyraraten na am ney rako o oyaoyyan na no akman sang a tao ni Ama ta do to.

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Locya 17:1

Maniring si Yeso do macinanao jya am, “O raraten no tao am kangay na ori. Am o tao a yapwan na am ney rako na o oyaoya na no akman sang a tao ni Ama ta do to.

Nimlivolivon 15:24

Namen nimamizing sira o yatatasa ka tao a mangononong so malas a yanyo ikarahet so onowned. Am yabo o asa ka tao a namen nitovoy.

1 Kedinto 11:18

Ney manma na am yamyan so tao a yamanci nya jyaken so nyo ikavwavwak a yameykalyalipenpenan so nakenakem no kamo malwalovot a meynozi. Ko anoyngan no kanoyong no yatatasa dang a ciring.

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Veydipi 3:17

Inarahen nyo yaken, manga kakteh an. Panginginaran nyo sira o yaominara jyamen a tao an, ta yanamen rana nipacita jinyo o manoyong a icicirawat namen.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

2 Tesalonicya 3:6

Manga kakteh, namen pangozayan o ngaran ni Yeso Kizisto a Panirsirngen ta a manci nya jinyo. Ji nyo nganopa sira o akma tey kakteh do cinai a abwata so vazavazay a yaji ngahap so nanao namen jinyo.

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

Tito 3:10

O yapwan no ipeygalagal a ipeyvwak da no sinjya a tao am ipidwa nyo sira pazimanen. No mirwa pa sira am to nyo na ngaroi sira.

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.

Yota 1:19

So to na meyyangai ya kano mina ciring da jinyo. O akman rana sang a mapeyzavozavoz jinyo a tao am abo jira o Seyzi na ni Ama ta do to. Ta kapangozay da do onowned da a omnakenakem so kapeyvwak da so tao.