Loma 15:30 - Seysyo No Tao

³⁰ Manga kakteh, ko pangozayan si Yeso Kizisto a Panirsirngen ta kano Seyzi a yamanta nyaten so pangarilawan ta. Inaoy no si ipeynozi nyo yaken.

Loma 15:30 ပူးပေါင်းရင်းမြစ်များ

2 Kedinto 1:11

No si ipeynozi nyo yamen am jyabo kaji na nidongan jyamen ni Ama ta do to, do kamizing na so inozi nyo jyamen. So sarayan da no akman sang ji Ama ta do to no aro a tao.

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

2 Kedinto 4:11

O ikakman na sang am yamonganay ji Yeso Kizisto o yapwan no inawan namen.

2 Kedinto 4:5

Beken a kataotao namen o namen ipeylimwang, ta namen ipeylimwang si Yeso Kizisto a manoyong a Panirsirngen ta. O namen sidongan jinyo am lamlamsoy na yamen ni Yeso Kizisto.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Veydipi 2:1

Manngwa, yanikarapa do onowned nyo o yanyo ipacikaop rana ji Kizisto an? Manngwa, yanikait jinyo o pangangarilawan na an? Manngwa, nyo katenngan o Seyzi a yasomidong jinyo an? Manngwa, nyo ikarilaw o kadwan jinyo an?

Kelosi 1:8

Iya o nimanci nya jyamen so katey mangarilaw nyo so icyatatao nyo, do kaniomoyat na jinyo no Seyzi.

Kelosi 2:1

Inaoy si katenngan nyo yaken a tao do Kelosi a ka ninyo a tao do Lawticya a mowyat a meynozi ninyo a kano aro a tao a ji ko pa nimacita.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

1 Tesalonicya 5:25

Inyo akma nameney kakteh do cinai am ipeyneynozi nyo yamen an.

2 Tesalonicya 3:1

Imanowji na ko ipanci jinyo manga kakteh am ipeyneynozi nyo yamen a kakeykai na no ciriciring na ni Yeso a Panirsirngen ta a meylimwang a kanoyong da jya no tao akman jinyo a omanoyong rana jya.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.