Loma 15:26 - Seysyo No Tao

²⁶ Ta sira meykingking o kyokay do Maciton a kado Akayya so nizpi a yada isidong so abo so nizpi a sinjya do Yelosaleng.

Loma 15:26 ပူးပေါင်းရင်းမြစ်များ

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Matay 26:11

Ta yamasangib sira o makasi a tao a yamacikaop jinyo. So ji na salici jinyo no kasidong nyo sira. Am yaken am ko jyasangib, ta yalikey rana o ipacikaop ko jinyo.

Locya 14:13

No manaid ka am taidan mo sira o ji makahakaw a tao a kano makasapa tao a mavota a mapilay a tao.

Locya 6:20

Citahen na ni Yeso o macinanao jya am ipanci na jira, “Inyo rana a ipangoyongoyod da tao am rakorako rana o sarasaray nyo, ta inyo o italamozong na ni Ama ta do to an.

Nimlivolivon 16:12

So nyangay namen do rako a ili do Maciton a meyngaran so Veydipi. O ili ori am italamozong no Loma. So niseysan namen dang.

Nimlivolivon 16:9

Mahep rana am amyan so nipacita na ji Pawlo ni Ama ta do to, do akma ney tateynep. Macita na do akmey tateynep o asa ka tao do Maciton a meytatanek a mapasyasi jya. Maniring am, “Mai kamo do Maciton a somidong jyamen.”

Nimlivolivon 18:12

No kapeypanirsirngen da si Cyadien do Akayya a pongso am meylovolovot sira o tao do Yotay amwoya ni Pawlo. Karahan am lolwen da a yangay do pacicicyan.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 9:13

Maniring si Ananiya am, “Mo Panirsirngen, ko nimamizing rana do aro a tao o marahet a vazay na do keyyan da no aro a nipakakasi na a omraralay nimo do Yelosaleng.

1 Kedinto 16:15

Nyo katenngan sira Setiva yasa ka vahay, ta sira rana yasa ka vahay do Sila am ney manma sira niomanoyong ji Yeso a tao a tey mowyat a somidong so sinjya.

1 Kedinto 16:5

Yaken rana am ko meyliktaw do Maciton. Si mateyka ko a itazogaw o aro a kyokay do Maciton am mangay ko jinyo.

2 Kedinto 1:16

No si meypangay ko do Maciton am ko pinanakman o kapanmanma ko a mangay jinyo do dang. No si meysinaoli ko am mangay ko pa jinyo. Ta sidongen nyo yaken a mangay do Yotay.

2 Kedinto 11:9

No keyyan ko pa jinyo do dang am tana amyan so ikeykakza ko am ji ko pa nimapasyasi jinyo. So ikamimin na apo do akma koy kakteh do cinai do Maciton no mapatodeh jyaken. Tana no kakwa am tana no makwa am akman sang. Jyabo kapamyapya ko no kataotao ko a ikazikna nyo a.

2 Kedinto 2:13

Am ko marahet so aktokto, ta ji ko nimasinmo si Tito a akma tey kakteh do cinai. Am ori o to ko naitaiji so tao do dang a kangay ko na do Maciton.

2 Kedinto 7:5

Ta makaranes namen do Maciton am ji namen nimeywalam. Ta ji namen angned so ninyakan, do katey yaro no alalaw namen do peycyeylilyan na do kazyakan da nyamen a kapaciyoman na pa no kasinalaw namen ninyo a mablis so nakenakem ji Ama ta do to.

2 Kedinto 9:12

Ta o kingking nyo am yamanoyong yamakasidong so sinjya. So ikanoyong da no aro a tao a somaray nya ji Ama ta do to.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

2 Kedinto 9:4

No si myan so tao do Maciton a macihza jyamen a mangay a kapakateneng da do kingking nyo abo am jyabo kaji namen anigan a. So ikakman nyo sang a manig an.

Veydipi 4:15

Naknakmen nyo a tao do Veydipi an. No ka ori pa so kapeylimwang ko no Mapasaray a Ciriciring am karwan ko o pongso do Maciton. No kano nang am sinjya nyo o nisomidong jyaken a mapatodeh jyaken.

1 Tesalonicya 1:7

Am ori o da peycitacittan jinyo no yana omraralay ni Yeso Kizisto do Maciton a kado Akayya.

1 Tesalonicya 1:8

So yana nikapo jinyo a yameylimwang no nanao na ni Yeso a Panirsirngen ta. O nakenakem nyo si Ama ta do to am beken a do Maciton a kado Akayya o na nispowan, ta yanisompo do peycyeylilyan na. So ji namen mapakaroi so ciring namen an.

1 Tesalonicya 4:10

Ko katenngan inyo a sinjya do Tesalonicya a yamarilaw no akma nyoy kakteh do cinai do Maciton. Am o namen pa ciring jinyo am makowyowyat kamo pa mahap so yapiya vazay ori an.

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

Veydimeng 1:5

Ta ko mamizing o pangasyan mo so akma tey kakteh do cinai a yamraralay ni Ama ta do to a kano nakenakem mo ji Yeso Kizisto a Panirsirngen ta.