Loma 15:2 - Seysyo No Tao

² Manakem ta o kapasaray ta so akma tey kakteh do cinai. Ta ori o ikarapa do onowned da amraralay ni Ama ta do to.

Loma 15:2 ပူးပေါင်းရင်းမြစ်များ

Loma 14:19

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

1 Kedinto 10:23

Yamyan so tao a yamanci no, “Sino ipanci o kaji ta naliwayan a mahap so vazay ta.” Jyalas o akman sang a ciring. Am beken a todamimin o vazay a makarapa do onowned. Manoyong kasaliway ta a mahap so vazay ta. Am beken a todamimin o vazay a makasidong so tao.

1 Kedinto 10:24

Taosya o kato ta manginanodan so apyahen ta no nakem. Ta panadnaden ta o icyatatao ta.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

1 Kedinto 13:5

Ji mapeyvazay so malas a vazay. Jyararaten. Jyaoyaoyahen. Ji na peyyana do onowned na o karatan no tao.

1 Kedinto 14:26

Manga kakteh, akman so wanjin o pangozayan nyo. No malovot kamo a meynozi am amyan so meyyanwanood. Amyan so mangnanao. Amyan so mangononong so ciriciring na ni Ama ta do to. Amyan so macitarek so ciring. Amyan so mapeyvaliw sya. Naknakmen nyo o kapeypahagnat da so nakenakem no makakaday a vazay no sinjya. Ta ori o manoyong an.

1 Kedinto 14:3

Am o mangononong so ciriciring na ni Ama ta do to am tao o nanawen na. Ta isidong na sira, ipait na sira, ipasaray na so onowned da no amyan so alalaw da.

2 Kedinto 12:19

Ala nyo ipanci yamen a yamangamaog no kataotao namen so ciring. Am to ko na macitangayan jinyo am namen jyakman sang an. Ta o ciriciring ni Kizisto o namen ipanci jinyo do tangain ni Ama ta do to. Manga keypong, o vazay namen am namen kanakenakem so yakasidong jinyo a peypahagnaten so nakenakem ji Ama ta do to.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

Ivoso 4:12

O ikakman na sang am ipakasidong da so aro a omanod ji Ama ta do to a tao a meypahagnat so nakenakem ji Ama ta do to. Ta yaten rana am akma ney kataotao ni Kizisto.

Ivoso 4:29

Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.