Loma 15:19 - Seysyo No Tao

¹⁹ So nikowyat ko a mapeyvazay so mapeyzokab a vazay do kanimoyat na jyaken no Seyzi. Am ori o nipapwan ko sya do Yelosaleng a kangay na do Ididiko o yako peylimwangan no Mapasaray a Ciriciring na ni Kizisto.

Loma 15:19 ပူးပေါင်းရင်းမြစ်များ

Matay 12:28

No si manoyong ko a mamozwaw no oyowyat ni Ama ta do to am yamanoyong rana si Ama ta do to a tomalamozong no omanoyong jya tao sicyaikwaya.

Yowani 4:48

Maniring si Yeso jya am, “No si macita nyo o vazay a yongkad no kayapo ko ji Ama ta do to am, ori o ipanganoyong nyo.”

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 13:14

Am sira Pawlo a kani Parnapo am to sira meysosonong a mangay do asa ka ili a meyngaran so Antia a macinapnap do Pisitiya. O araw na no ipeywalam no tao am mangay sira do peyneynozyan a omamizing so ciriciring na ni Ama ta do to.

Nimlivolivon 13:51

Am ori o nitoktokan da so tana do ai da da Pawlo a kani Parnapo a itovil da jira meyraraten a ji mamlis so nakenakem. Meyratateng am karwan da rana sira a mangay do Ikenyan.

Nimlivolivon 14:10

Maniring jya am, “Peytatanek rana,” a kapeytatanek na rana omalam.

Nimlivolivon 14:20

Limoten da no amraralay ni Yeso a tao am to meytatanek a meyvangon a kangay na rana do ili da. Ikadwa na araw am mangay rana sira kani Parnapo do Tepey.

Nimlivolivon 14:25

So nipangnanao da do Peyke. Meyratateng am meypangay sira do Atadiya.

Nimlivolivon 14:6

Mamizing ni Pawlo a kani Parnapo am somazok sira do Disetela kado Tepey a ili a macinapnap do Dikawniya kado macisngen dang a ili,

Nimlivolivon 15:12

So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.

Nimlivolivon 16:18

Mangday do araraw a amlololos. Ikarahet na ni Pawlo am to meyvazingowngaw a tomita sya. Maniring do nikomovot jya am, “Ko pangozayan o ngaran na ni Yeso Kizisto a manci nimo a makowbot rana do kataotao na.” Am ori o nipakowbot na rana no nikomovot jya.

Nimlivolivon 17:10

Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay.

Nimlivolivon 17:15

Makaranes sira do Yatyan o nimacihza ji Pawlo am meysinaoli rana sira do Peyloya a manci no nipakoyokoy na jira ni Pawlo, ta kakzeben na si Sila kani Timotay a makeykai a mangay jya.

Nimlivolivon 18:1

Karwan na ni Pawlo do Yatyan am mangay rana do Kedinto.

Nimlivolivon 18:19

Makaranes rana sira do Ivoso am taitaiden na rana sira Paycila kani Akwila kangay na rana do peyneynozyan a macinekanekad do tao do Yotay.

Nimlivolivon 19:1

Amyan rana si Apolo do Kedinto am meypangay pa si Pawlo do Ivoso. So nipeyliktaw na do Vodicya. Ori o nipakasazi na dang so amraralay ni Yeso Kizisto a tao.

Nimlivolivon 20:20

Nyo katenngan manga keypong, no ko myan do peylovolovotan no tao a kado peycyakavakavahayan am ko nanawen inyo. Ko miminen o apya ciring a yako ivavaga jinyo. So ikabo no ko taywen jinyo.

Nimlivolivon 20:6

Mahatas rana o nipamaring da so kanen do yakan da so ji nimimway a pang am nimapo namen do Veydipi. Kalima araw namen a niomavang do avang am makaranes namen do Teloya. So nipakacita namen rana so kararay namen a nimanmanma a nimangay. Karahan am misan namen do dang so kapito araw.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 15:24

Am no si mangay ko rana do Sipanya pongso am mangay ko sazin inyo. Jyabo kaji ta narayan a makacita so kadwan jyaten a. Ala sidongen nyo pa yaken a meypangay do angayan ko.

1 Kedinto 2:4

O nipeylimwang ko a ciriciring am beken a masalit a amizngen. So ko ji meyhanhani no ciring ko. Ta yako ipeyhanhan o Seyzi a omoyat jyaken a mapatwaw sya.

2 Kedinto 12:12

No keyyan ko pa jinyo do dang am tana masaod ko o alalaw ko am ji ko macimazai o vazay ko. So iyan no yeyyak nyo a vazay, yeyyak nyo a oyowyat, mapeyzokab a vazay akmey yongkad ko jinyo do kanoyong ko a nipamnekan ni Kizisto a omlivolivon no ciriciring na.

Cyalatay 3:5

Na nitoro ni Ama ta do to o Seyzi jinyo a yamapeyvazay so mapeyzokab a vazay. Am manngwa, yamonganay ori do yanyo kahap so iwawalam na ni Moyse? No yamonganay do yanyo kanimakamizing so Mapasaray a Ciriciring na ni Ama ta do to.

Kelosi 1:25

Yaken rana am lamlamsoy na yaken ni Yeso Kizisto a somidong so yamraralay nya tao. O na nitorwan nya jyaken so akman sya vazay ni Ama ta do to am ipeypahagnat ko inyo. So ikanoyong ko rana meylimwang no ciriciring na ni Ama ta do to.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.