Loma 15:18 - Seysyo No Tao

¹⁸ O yamakdeng a yako ipanci am nioyatan na yaken ni Yeso Kizisto a yasomidong so beken a tao do Yotay a yaomanod ji Ama ta do to. Nisidong na yaken do makakaday a vazay a kano nipeylimwangan ko nya.

Loma 15:18 ပူးပေါင်းရင်းမြစ်များ

Matay 25:16

Mahap na o alima zivo no asa ka tao ori am mangay na ipanazang so makakaday a apzapzatan a ipeynizpi na. Karahan am makanizpi so alima zivo.

Make 16:20

kangay da rana no nimacinanao ji Yeso a meylimwang no Mapasaray a Ciriciring na ni Ama ta do to do peycyeylilyan na. So ikanoyong ni Yeso a macikaop jira a manta nira so oyowyat da a mapeyvazay so mapeyzokab a vazay. Ori rana am yongkad no kanoyong no Mapasaray a Ciriciring na ni Ama ta do to a ipeylimwang da.]

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 15:12

So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.

Nimlivolivon 15:4

Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.

Nimlivolivon 21:19

So nipeyminaminasyan na nira ni Pawlo a kapanci na no vazay na ni Ama ta do to jya do beken a tao do Yotay, do mina kapeylimwang na no ciriciring na ni Ama ta do to jira.

Nimlivolivon 26:20

Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 16:26

Am sicyaikwaya am yameylimwang rana o nivatvatkan da no panoyonoywan na so ciring na no kakwa. Ori rana am ciring na do peycyamahamahatawan na no to meyyonong a Tao do to. So ikanoyong da na no tao a meyhanhan nya.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

2 Kedinto 12:6

Am no si manoyong o kapazway ko so kataotao ko am abo karatan no nang. Ta abo na kalalasan no ciriciring ko. Am ko kaji mapazwayan. Ta ko jyakzan o da kazwazway jyaken no tao, do kabo no teywara nimacita da, nimamizing da a monganay jyaken.

2 Kedinto 3:5

Am beken a namen pangozayan o oyowyat namen a yamapeyvazay so sya. Ta o yakapwan no oyowyat a kano teneteneng namen a yamapeyvazay so sya am yapo ji Ama ta do to.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 2:8

Ta si Ama ta do to o yaniomoyat jyaken a mangay do beken a tao do Yotay, akman si Pite a nitovoy na ni Ama ta do to a meylimwang no Mapasaray a Ciriciring na do tao do Yotay.

Kelosi 3:17

O makakaday a vazay nyo a kano ciring nyo am mamimin a pagazen nyo do ngaran ni Yeso a Panirsirngen ta a somaray nya ji Ama ta do to.

2 Tesalonicya 2:17

Inaoy no si pasarain na o onowned nyo a kapait na jinyo a jyablis so nakenakem a mapeyvazay so meykamadadayan a apiya vazay a kapanci nyo no apiya ciriciring.

Sipolay 11:8

Si Apolahan rana am nionotan na si Ama ta do to do kapeyhanhan na nya. Am ori o nikarwan na do keymiminili da a mangay do tovoyan na sya ni Ama ta do to a pongso a itoro na jya ni Ama ta do to. Am no kakaro na do keymiminili da am ji na tenngi o angayan na.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Yake 1:22

Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”