Loma 15:14 - Seysyo No Tao

¹⁴ Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

Loma 15:14 ပူးပေါင်းရင်းမြစ်များ

1 Kedinto 1:5

Kanyo tey meynakem rana a macikaop ji Yeso Kizisto a tao. Ori o nyo kateteneng a meylimwang no ciriciring na ni Kizisto, do nyo kapakateneng do manoyong a nanao na.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 8:1

O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

1 Kedinto 8:10

No myan pa so tao a marahet pa nya kapakacita na jinyo a makateneng jya tao a makapya koman so nipazos do panaralayan so malas a iraralay da am jyabo kaji nyo akmey to ngingitan sira koman so nipazos a.

1 Kedinto 8:7

Am yamyan pa so akma tey kakteh do cinai a yaji makateneng pa do kabo na no oyowyat no malas a iraralay da no karwan no tao. Ta yamangday da kakan so nipazos o da kapanci no da kapacizanod jira do amraralay no malas a iraralay da. Am ori o da karehtan nya so onowned no yakoman sira so yada nipazos.

2 Kedinto 8:7

O yamakakaday a yamyan jinyo a nakenakem nyo si Ama ta do to a kano teneteneng nyo a mangononong a kano kowyowyat nyo a manidong so tao a kano aryarilaw nyo jyamen am yateywara rana an. Am ori o namen kakzan inyo a yajingbeywan do akman sya panidongan so tao.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

1 Tesalonicya 5:11

Am ori o ipasipapait nyo a mapamizing so kadwan jinyo, akman so yapiya nyo ahahapan sya sicyaikwaya.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

2 Tesalonicya 1:11

Am ori o namen ikasangib a meynozi ninyo. So ipacimangno na no nakem na jinyo ni Ama ta do to. Inaoy si itoro na o oyowyat na a isidong na jinyo. So ipakateneng nyo jya a omonot do apyahen na vazay ni Ama ta do to. Ta na sidongen inyo, do nyo kapeyhanhan nya.

2 Timotay 1:5

Ta ko katenngan o na kajyalasan no onowned mo ji Ama ta do to. O akman rana sang a onowned mo si Ama ta do to am yana nimanmanma ji Loi a akes mo a kani Yonise a ina mo. So ko anoyngan jimo a yakman sang.

Veydimeng 1:21

Ko anoyngan imo a omamizing jyaken. Ori o ko vatvatkan do teygami ya. Ko katenngan o karo no vazay mo do pahanhanan jimo.

Sipolay 5:12

No kamo mowyat a yamacinanao am kamo na mangnanao. Am asyosyo kamo eya a yada pananawen no tao no yatodalapit a ciring na ni Ama ta do to. So nyo icyakmey metdeh a yapa somoso.

Sipolay 6:9

Am inyo rana manga keypong am tana akman sang o ciring ko am yako anoyngan o kapyapya na pa no mahap nyo a patazadangen na ni Ama ta do to do teyngato.

2 Pite 1:12

Tana nyo na katenngan o yamakakaday a vazay eya a yarana mapeyyan so nanao na ni Ama ta do to do onowned nyo am ko ji macimazai o ko kapaziman jinyo.

1 Yowani 2:21

O ko peyteygamyan ninyo am nyo katenngan o nanao na ni Ama ta do to. So nyo ipakateneng do malas a beken a apo do nanao ni Ama ta do to.