Loma 15:1 - Seysyo No Tao

¹ Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

Loma 15:1 ပူးပေါင်းရင်းမြစ်များ

Loma 14:1

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Loma 14:2

O makdeng so onowned ji Ama ta do to a tao am abo ji da ngangana. Am o malma pa so onowned a tao am o voovoong o yakan da.

Loma 4:20

Tana akman sang am ji na haywan o kararalay na ni Ama ta do to. Ta ikowyowyat na meyhanhan ni Ama ta do to a omazwazway sya.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

Ivoso 6:10

Manga kakteh, oya rana am imanowji rana yako inanao jinyo. Inyo rana am ipeyhanhan nyo o rako a oyowyat no Panirsirngen ta a omzat jinyo.

Veydipi 2:4

Beken a o kataotao mo o manakem mo an. Ta manakem mo o kapanidong mo so icyatatao mo an.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

2 Timotay 2:1

Imo rana manganako am ahapen mo o na nitoro jimo ni Yeso Kizisto a pangangarilawan na, ta ori o ikowyat no onowned mo.

1 Yowani 2:14

Yako ipeyteygami inyo akma koy anak, ta nyo anoyngan si Ama ta do to. Ko ipeyteygami inyo a akma koy inyapwan, ta nyo anoyngan si Yeso Kizisto a nimeycicinda amyan no kakwa. Ko inyo ipeyteygami a mowva tao, ta kamo tey makdeng so nakenakem a meyhanhan ni Ama ta do to, do nyo kapeyyan sya do onowned nyo so ciring na ni Ama ta do to, a yarana nimharag si Satan.