Loma 14:9 - Seysyo No Tao

⁹ Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Loma 14:9 ပူးပေါင်းရင်းမြစ်များ

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Yowani 12:24

To ko na macitangayan jinyo am no ji pamowa do tana o mowahen am jyablis ori a asaha. Am no si pamowahen do tana am amlida rana kapalasi na rana.

Nimlivolivon 10:36

Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 10:42

Nipakoyokoy na jyamen o kapeylimwang namen no kanoyong na ni Yeso a nipamnekan ni Ama ta do to a mapacici so mavyay a kano nimawakwak a tao.

Loma 10:9

No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to.

2 Kedinto 5:14

O pangangarilawan ni Kizisto amyan do onowned namen. Ta namen katenngan sicyaikwaya o kanimawakwak ni Yeso no tao do karawan. Am ori o ta icyakmey asa rana a macizanod do inawan ni Yeso a nimawakwak.

1 Tesalonicya 4:14

Ta yata anoyngan si Yeso a nimawakwak a kapirwa na mavyay. Akman sang, ta yata anoyngan si Ama ta do to a mapeyvangon so omanoyong jya a nimawakwak a tao. No mirwa pa si Yeso a mai am macihza sira mai.

1 Tesalonicya 5:10

O nikawakwak na ni Kizisto am ahapen na yaten do kapyapyan. Am ori an, tana do ta ika mavyay pa ya a tana do ikawakwak ta rana am no si mai si Yeso am macikaop ta na jya a mangay do kaidan no karawan.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Pite 4:5

Am cyaha, ta mangay o kasazap da si Ama ta do to a yamapeykapyapinpin so mavyay a kano nimawakwak a tao.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am: