Loma 14:8 - Seysyo No Tao

⁸ Ta si Yeso a Panirsirngen ta am yapwan no inawan ta. Am ori o ika si Yeso na no pasarain ta. Tana do ika mavyay ta pa, tana do ikawakwak ta na am ji ta hamangi o ka si Yeso no tomalamozong nyaten.

Loma 14:8 ပူးပေါင်းရင်းမြစ်များ

Locya 20:38

O peypeypangayan no ciriciring eya am si Ama ta do to rana am Tao do to da no mavyay a omanoyong jya tao. Tana nimawakwak rana, avyain na sira. Ta o tao rana do tangain ni Ama ta do to am mamimin a mavyay sira.”

Yowani 21:19

O peycirngan na so sang ni Yeso am pazimanen na ji Pite o pangavosan na no inawan na no makwa do kazwazway na si Ama ta do to. Maniring si Yeso ji Pite am, “Macilolo ka jyaken.”

Nimlivolivon 13:36

No kapeyigegen na pa ni Tawey am aro mina vazay na ji Ama ta do to. Mawakwak am patangkeden da o heseb na do heseb da no ineynapo na. So nipacirapa no kataotao na do tana.

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

1 Kedinto 15:23

Am matwatonton o tao a mirwa a mavyay. Ney manma am si Kizisto. O tomonton am amraralay nya tao, no si marateng o araraw no yai na ni Kizisto,

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:30

Ta na kajyawakwakan rana, do yana kahap so vazay ni Kizisto a kano vazay nyo a yasomidong jyaken.

1 Tesalonicya 5:10

O nikawakwak na ni Kizisto am ahapen na yaten do kapyapyan. Am ori an, tana do ta ika mavyay pa ya a tana do ikawakwak ta rana am no si mai si Yeso am macikaop ta na jya a mangay do kaidan no karawan.

Ipaziman 14:13

Makamizing ko pa so ciring a apo do teyngato. Maniring am, “Amyapo sicyaraw eya o katey rako na rana no sarasaray da no mawakwak no vazay ni Yeso a tao. So vatvatkan mo do ciring eya.” Maniring o Seyzi am, “Manoyong o kakavos na rana no zikzikna da. So ipeywalam da rana, ta amyan so kakownongan no mina zikna da.”