Loma 14:7 - Seysyo No Tao

⁷ O cinatazak ta tao do karawan a yamraralay ni Yeso am beken a kakakzeb ta so kapeypapya no kataotao.

Loma 14:7 ပူးပေါင်းရင်းမြစ်များ

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Loma 8:38

Ta yako anoyngan o kabo no makapasyay jyaten do pangangarilawan ni Ama ta do to. Tana mavyay ta, tana mawakwak ta am to meyyonong o karilawan na nyaten ni Ama ta do to. Tana tinsi a tana kalamsoyan ni Satan am abo o makapasyay jyaten ji Ama ta do to a marilaw nyaten. So ikabo no oyowyat do sinokob no hanit a makapasyay jyaten do aryarilaw na jyaten ni Ama ta do to. Tana sicyaikwaya, tana no makwa am abo do karawan o amyan so oyowyat a mapasyay jyaten do pangangarilawan na ni Ama ta do to a yarana macikaop ji Yeso Kizisto a Panirsirngen ta.

2 Kedinto 5:15

Na nikawakwak ni Yeso o tao do karawan. Ori o ji ta to mangozai do aktokto ta. Ta pangozayan ta si Yeso Kizisto a nimawakwak no raraten ta a kapirwa na rana mavyay.

1 Tesalonicya 5:10

O nikawakwak na ni Kizisto am ahapen na yaten do kapyapyan. Am ori an, tana do ta ika mavyay pa ya a tana do ikawakwak ta rana am no si mai si Yeso am macikaop ta na jya a mangay do kaidan no karawan.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.