Loma 14:22 - Seysyo No Tao

²² Ta ipeyhanhan mo o vazay mo do tangain na ni Ama ta do to abo so karatan. So ji mo meykawaji so nakenakem. Ta o akman rana sang a tao am tey masaray. Am ji mo mancyan do tao. Ta si Ama ta do to makateneng jya.

Loma 14:22 ပူးပေါင်းရင်းမြစ်များ

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Loma 14:14

Macikaop ko na ji Yeso a Panirsirngen ta am katenngan ko na o kabo no makanyaw a kanekanen. No amyan so tao a manci nya makanyaw am manoyong o kakanyaw na do tao no nang.

Loma 14:2

O makdeng so onowned ji Ama ta do to a tao am abo ji da ngangana. Am o malma pa so onowned a tao am o voovoong o yakan da.

Loma 14:23

Am no si amyan so ji mo adkeci a kanen a kakan mo sya am raraten mo ori. Ta ji mo panadnada o nakenakem mo si Ama ta do to. No meyvazay a kaji mapanadnadan si Ama ta do to am mamimin o akman sang a raraten.

Loma 14:5

Amyan so tao a manci no katey makdeng no kasaraw a raralayan ni Ama ta do to a kano toda kararaw. Am amyan so tao a manci no kato na meyyangangayan no araraw. Ney yapya na am ji meykawad so nakenakem.

Loma 2:1

Yata katenngan o kanoyong na no oyaoyyan na ni Ama ta do to no akman so sang a tao. Am no si manamwad ka so tao am raraten mo ori. Ta o peyraratenan mo so sang am mo ipanci o kataotao mo a abo so karatan.

Loma 7:15

Ko jyatenngi o ko vazay. Ta o ko ikakza a vazay am ko ji peyvazaya. O ko pacioyyan a vazay am ko mangay peyvazain.

Loma 7:24

Yako tey mazikna so onowned. Sino makasidong jyaken a komaro do raraten kaji ko angayan do kararatan.

1 Kedinto 8:7

Am yamyan pa so akma tey kakteh do cinai a yaji makateneng pa do kabo na no oyowyat no malas a iraralay da no karwan no tao. Ta yamangday da kakan so nipazos o da kapanci no da kapacizanod jira do amraralay no malas a iraralay da. Am ori o da karehtan nya so onowned no yakoman sira so yada nipazos.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

1 Yowani 3:21

Manga ovay, no abo rana o ikarahet ta do tangain ni Ama ta do to am masaray ta so onowned a omanop rana si Ama ta do to.