Loma 14:2 - Seysyo No Tao

² O makdeng so onowned ji Ama ta do to a tao am abo ji da ngangana. Am o malma pa so onowned a tao am o voovoong o yakan da.

Loma 14:2 ပူးပေါင်းရင်းမြစ်များ

Loma 14:1

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Loma 14:14

Macikaop ko na ji Yeso a Panirsirngen ta am katenngan ko na o kabo no makanyaw a kanekanen. No amyan so tao a manci nya makanyaw am manoyong o kakanyaw na do tao no nang.

Loma 14:20

Ji nyo peyparaheta no isovo nyo a kanen o vazay na ni Ama ta do to do onowned no akma nyoy kakteh do cinai. Ta abo kararatan no kanekanen. Am no si kanen nyo o ikarahet da no akma nyoy kakteh do cinai am raraten nyo rana ori.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

1 Kedinto 10:25

Ji nyo a zyakan o yapwan no ipanazang da asi no vinyay, ta kasazang nyo jya.

1 Kedinto 8:9

Am azimanen nyo. Ta ji nyo akwan kapya na jinyo o kato nyo mangozayan do kataotao nyo. Ta panadnaden nyo sira o malma pa so onowned a amrahet pa sya.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

Cyalatay 2:12

Ta no keyyan na rana ni Pite do Antia am nimacyakan do beken a tao do Yotay a sinjya. Am makaranes rana sira o nitovoy ni Yake a tao do Yotay am ji na ranadkeci ni Pite o kapacyakan na do beken a tao do Yotay. Ta ihawa na sira o tao do Yotay a mazyak nya. Ta sira rana am pangozayan da pa o iwawalam ni Moyse a amyongkad do kataotao da.

1 Timotay 4:4

O na nyamamaog rana ni Ama ta do to am yamamimin a yabo so karatan. Am ori o sarayan ta nya do onowned ta. So ji tanyo meyraci jya an.

Tito 1:15

Ta o ji meypinarek so onowned a tao am abo marahet jira kanekanen da. Am o meyraraten a ji manaralay a tao am abwata o asa ka vazay da apya, mangay do nakenakem da kano onowned da ji macipayok.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

Sipolay 9:10

Ta do ji na pa nimapatwawi ni Ama ta do to so apyapya pa kano adan a pangozayan a ciring am mamimin pa ori a omagaz do icicirawat a kano isovo a kanen.