Loma 13:9 - Seysyo No Tao

⁹ Ta o ciring a, “Ji mangzakza. Ji manwakwak. Ji manakaw. Ji mangagom,” a kano yamakakaday pa a iwawalam na am na to zaksa ori no yasa ka ciring. O ciring ori am, “O aryarilaw mo so kataotao mo am akman sang o karilawan mo no icyatatao mo.”

Loma 13:9 ပူးပေါင်းရင်းမြစ်များ

Matay 22:39

O ikadwa na am akman sang so kakdekdeng an. ‘Ikarilaw mo o icyatatao mo. To mo peyyangaya kano aryarilaw mo so kataotao mo o karilawan mo no icyatatao mo.’

Make 10:19

Mo katenngan o iwawalam ni Ama ta do to do kaji mangapan so tao. Ji mangzakza. Ji manakaw. Ji mangamaog so malas a ciring. Ji manlita. Ikaglaw nyo a ikanig o inyapwan nyo.”

Make 12:31

Ikadwa na am, ‘Ikarilaw mo o icyatatao mo. So to mo peyyangai so aryarilaw mo so kataotao mo a marilaw no icyatatao mo.’ So ikabo na rana no makataha so sya so kakdekdeng.”

Locya 10:27

Maniring ori am, “ ‘Onowned mo a kano pahad mo a kano oyowyat mo a kano nakenakem mo am to mo peykasa a omraralay ni Ama ta do to a Tao do to mo a karilaw mo no icyatatao mo akman so aryarilaw mo so kataotao mo.’ ”

Locya 18:20

Mo jyatenngi o iwawalam ni Ama ta do to? ‘Ji ka to mangzakza so tao. Ji ka manwakwak. Ji ka manakaw. Ji ka mangamaog so malas a ciring. Ikaglaw mo a ikanig o inyapwan mo.’ ”

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.