Loma 13:8 - Seysyo No Tao

⁸ No amyan so nivood nyo jira am ji nyo peyyahahaya a paolin. To nyo peyyononga o karilaw nyo no icyatatao nyo. No si mangarilaw ka so tao am manoyong ka na nimakahap so iwawalam na ni Ama ta do to.

Loma 13:8 ပူးပေါင်းရင်းမြစ်များ

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Yowani 13:34

O itoro ko a vayo a inanao ko jinyo am masicyakarilaw kamo. To nyo nita o aryarilaw ko jinyo. Ta akman kamo so sang a masicyakarilaw.

Loma 13:10

O mangarilaw so icyatatao am ji mapeyvazay so marahet a vazay a. Ta o akman rana sang am manoyong rana makahap so nanao na ni Ama ta do to.

Loma 13:7

Am ori o torwan nyo jira. Ikanig nyo sira.

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

Kelosi 3:14

O ney makdeng na do makakaday a vazay am pangangarilawan. Ta o pangangarilawan rana am mapeypayopayok so onowned ta do icyatatao ta.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.