Loma 13:2 - Seysyo No Tao

² O mapasobna do seyvo am akmey si Ama ta do to o pasobnan da. O akman rana sang a tao am jyabo kaji na ngyanan no ipasingsingkad na sira.

Loma 13:2 ပူးပေါင်းရင်းမြစ်များ

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Make 12:40

Littan da sira o vao a mavakes ahapen so iheyhakaw a kato da ngidan so inozi da. Mangay o kapeydedna na jira no makdeng a ipasingsingkad na sira ni Ama ta do to.”

Locya 20:47

Littan da o vao a mavakes do kahap da so kangangay da, kato da ngidan so inozi da mapakapyapya so nakem. Sira rana ori am mangay o kangay na jira no rako a peyoyaoyyan na ni Ama ta do to.”

Loma 13:1

Mamimin o tao a omanod so nakenakem do amyokod no seyvo. Ta o iyan no makayokod a tao am nakenakem na ori ni Ama ta do to. Ta o oyowyat da a amyokod no seyvo am apo ji Ama ta do to.

Loma 13:3

Ta o vazay no manyokod a tao am jyanyaheyan no apiya so ahahapan sya tao. Am ikanyahey ori no marahet so ahahapan sya tao. Mo ikanyahey o makayokod so tao ang? No si ikanyahey mo am mangasi ka so tao, ta ori o sarayan na nimo.

Loma 13:5

Am ori o onotan nyo do makayokod ninyo. Am beken a kanyahey nyo no oyaoyyan na ninyo, ta omaing do onowned nyo rana a makateneng do apya kano marahet.

Loma 9:19

Ala amyan so tao a manci nya jyaken so, “No akman sang am ikongo oyyan na nyaken ni Ama ta do to do peyraratenan ko. Ta abo mapasobna do nakenakem na.”

Tito 3:1

Pazimanen mo jira o kownot da do vazay no makayokod nira tao. Amizngen da o pipya vazay a ipanci da.

Yake 3:1

Manga kakteh, ji nyo ngakdaya o kamimin nyo a mangnanao. Ta o mangnanao so tao am arakorako pa o oyyan na nira ni Ama ta do to, no si meyraraten sira, kano ji mangnanao a tao.

1 Pite 2:13

Am ori an, onotan nyo do makayokod ninyo a tao do karawan, do kapanadnad nyo si Ama ta do to. Akman sang sira o nipamnekan no panirsirngen a omzat do apiya so nakenakem a tao a kano oyyan da no marahet so vazay a tao. Ta onotan nyo sira.