Loma 13:12 - Seysyo No Tao

¹² Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan.

Loma 13:12 ပူးပေါင်းရင်းမြစ်များ

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

1 Kedinto 10:11

O akman rana sang a vazay da am ipaziman na so aro a tao. So na idket no akman sang do Seysyo a ipaziman na jyaten a tao sicyaikwaya. Ta yaomanam rana o kakavos no karawan.

1 Kedinto 7:29

O ko ipanci pa jinyo, manga kakteh am yalikey rana ta yahap so vazay na ni Ama ta do to. Am ori an, inyo rana yamyan so kahanghangan a mavakes am akman kamo rana so kabwan no tao a abo rana so ikasanga a mahap so vazay na ni Ama ta do to.

2 Kedinto 10:4

Ta o voovoo namen am beken a yamonganay do oyowyat a kano teneteneng do karawan. Ta o oyowyat na ni Ama ta do to o voovoo namen a yato manbalinas so vazay ni Satan a yamangalalas so tao.

2 Kedinto 6:7

Nioyatan na yamen ni Ama ta do to a meylimwang no manoyong a nanao na a mapacitacita no kanoyong namen a lamlamsoy na ni Ama ta do to. So icyakma nameney mapeyvoovoo so apya nakenakem namen a iharag namen so amrahet jyamen a tao.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

Ivoso 5:11

Ji nyo nginara o marahet a vazay da no amyan do kasarisaryan a yameyraraten a tao. Ta apyapya o kapacimalag nyo so apya vazay nyo jira. Ta ori o ipakateneng da do marahet a vazay da.

Ivoso 5:8

Ta no kakwa am nimyan kamo do kasarisaryan a ji makateneng ji Ama ta do to. Am sicyaikwaya am kamo na macikaop ji Yeso Kizisto a Panirsirngen ta. So yanyo iyan rana do kazngangan. Am ori o inaran nyo so icicirawat da no tao a yamakateneng rana do ciriciring na ni Ama ta do to.

Sipolay 10:25

Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

Yake 5:8

Akman sang an, to kamo ngotokot so nakem a mapananala so araraw na no yai na ni Yeso Kizisto. Ta yarana makeykai o araraw no na yai.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.

1 Yowani 2:18

Manga ovay, yarana makeykai o na pangavosan no karawan. Nimamizing nyo na o na kai no Omalalas ji Kizisto a tao. So yada ikanoyong no omalalas ji Kizisto a yarana meytotwaw. O vazay rana ori am ipakateneng ta na do kasngen na rana no pangavosan no karawan.

Ipaziman 1:3

O amvilang do vakong eya tao am tey yapya sira. O makamizing so yana nipaziman a ciring a kapangonong da jya am tey yapya sira o akman sang a tao, ta yarana makeykai o araraw na no ipakaranes na.

Ipaziman 22:10

Maniring pa jyaken am, “Ji mo naywa o ciriciring do vakong eya, ta makeykai rana o araraw na no ipakaranes no vazay eya.