Loma 12:9 - Seysyo No Tao

⁹ Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

Loma 12:9 ပူးပေါင်းရင်းမြစ်များ

Matay 26:49

Makaranes si Yota am to meytopos a mangay do tangain ni Yeso. Maniring am, “Mo Mangnanao, kokay.” Karahan am rapongen na rana si Yeso.

Yowani 12:6

To na mancyan ori am beken a meyngongyod o karilaw na no makasi a tao. Ta iya rana am manakaw a tao. Ta iya rana am masangib a tomakaw so italamozong na nizpi no kararay na.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

2 Kedinto 6:6

Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

2 Kedinto 8:8

Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

1 Tesalonicya 2:3

Yabo o yamalas a nanao namen jinyo. Abo o nanao namen a ilita namen jinyo.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Sipolay 1:9

O yapya vazay o mo ikakza. Mo ikaoya o malas a vazay. Am ori an, na ika yaken a Tao do to mo no yanimamnek jimo a yanimanta nimo so azwazway mo a kano sarasaray mo. So da ikabo no kararay mo a makahap jimo.”

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.