Loma 12:8 - Seysyo No Tao

⁸ No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

Loma 12:8 ပူးပေါင်းရင်းမြစ်များ

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 13:12

Macita na ni Secyo Pawlo o akman sang a vazay am anoyngan na rana si Yeso, do kapeyzokab na no oyowyat no ipangnanao da a omagaz ji Yeso.

Nimlivolivon 13:15

Mateyka na vilangan no asa ka tao o nivatvatkan ni Moyse a kano nivatvatkan no panoyonoywan na so ciring ni Ama ta do to am manovoy o panipanirsirngen no peyneynozyan so tao a mapacici sira. Maniring am, “Inyo rana yararwa am si myan so ipait nyo jyamen am ipanci nyo an.”

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 20:2

So nilivonan na so ili da pangonongan a mapait so sinjya, kangay na rana do Akayya.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

Loma 12:13

Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

Loma 13:6

O itoro nyo a deyking do seyvo am itoro nyo, ta o meyvazay da no amyokod ninyo a tao am vazay ori ni Ama ta do to.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

1 Kedinto 14:3

Am o mangononong so ciriciring na ni Ama ta do to am tao o nanawen na. Ta isidong na sira, ipait na sira, ipasaray na so onowned da no amyan so alalaw da.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 8:12

No si manoyong kamo so onowned no meykingking kamo am jyabo kaji na narayan ninyo ni Ama ta do to a. Ta o kakzeben na jinyo ni Ama ta do to am beken a karo na, ta o myamyan jinyo.

2 Kedinto 9:11

Absoin na inyo an. So ikasangib nyo a manidong so tao an. So sarayan da nya ji Ama ta do to so apo jinyo a nisidong nyo sira.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

2 Kedinto 9:7

Am to nyo palololwa o kingking nyo do onowned nyo. Ji nyo manenesehan, ta makto nyo an. Ta isaray na ni Ama ta do to o masaray so onowned a meykingking jya tao.

Ivoso 6:5

Inyo rana lamlamsoy da am onotan nyo sira o lawpan nyo. Ikanig nyo sira. To nyo peynara o nakenakem nyo si Kizisto a mahap so vazay da no lawpan nyo.

Kelosi 3:22

Inyo rana peylamsoin da tao am amizngen nyo o ciring da no mapeylamsoy jinyo a tao. Ta o vazay nyo rana am beken a tao o pacittan nyo nya, ta omagaz rana do kakdekdeng nyo a amraralay ni Ama ta do to a Panirsirngen ta.

1 Tesalonicya 2:3

Yabo o yamalas a nanao namen jinyo. Abo o nanao namen a ilita namen jinyo.

1 Tesalonicya 2:8

Namen hapen do namen karilaw ninyo. Ori o namen sarayan no kapeylimwang namen nya jinyo no yanimapo ji Ama ta do to a Mapasaray a Ciriciring na. Mangay do inawan namen o namen ji beywani jinyo. Ta inyo rana am namen tey kaglaw.

1 Timotay 4:13

So ji mo amtaji no kapeyvilang mo so Seysyo do kalwalovotan a kapeylimwang mo nya inanao sira.

1 Timotay 5:17

O tomalamozong rana no kyokay a tao a makateneng do ahahapan da so vazay da do kyokay a yamowyat a meylimwang no ciriciring na ni Ama ta do to a kano mateneng amnanao so sinjya am ikanig nyo sira, kapanta nyo nira so apyahen da no nakem.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

Sipolay 10:25

Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

Sipolay 13:22

Manga kakteh, ko inyo vavagan am pakamyamizngen nyo o ciring ko an. So na jyanaroi no ciring ko do teygami.

Sipolay 13:24

Ipeyminaminasi nyo pa sira o yamyokod ninyo do kyokay a tao a kapeyminaminasi nyo pa no aro a sinjya. Da ipeyminaminasi inyo no kakteh ta yapo do Itadi.

Sipolay 13:7

Inarahen nyo sira o nimapalololo jinyo no kakwa a nimeylimwang no ciriciring na ni Ama ta do to. Ta no kapeyigegen da pa kangay na do nikawakwak da rana am yamamimin o vazay da omagaz do da kapeyhanhan ni Yeso. So inaran nyo so kakdekdeng da meyhanhan ni Yeso.