Loma 12:6 - Seysyo No Tao

⁶ Na ikarilaw yaten ni Ama ta do to a nimanta nyaten so meykataretarek a teneteneng ta. Am ori o pangozayan ta do teneteneng ta a nitoro na jyaten ni Ama ta do to a somidong so akma tey kakteh do cinai. No teneteneng a mangononong so ciriciring na o nitoro na jyaten am pangozayan ta o nakenakem ta si Ama ta do to a mangononong so ciriciring na.

Loma 12:6 ပူးပေါင်းရင်းမြစ်များ

Matay 23:34

Amizngen nyo an, ta manovoy ko so panoyonoywan ko so ciring a kano yanan no teneng na ni Ama ta do to a tao a kano mangnanao a tao a mangay jinyo. So iyan na jira ang no wakwaken nyo. Amyan jira ang so padketen nyo do jyojika. Amyan jira ang so bakbakan nyo do peyneynozyan nyo a paksozen do teyhesa ka ili.

Matay 25:22

“Mai o nipanta na so adwa zivo am maniring do lawpan am, ‘O mo nitoro jyaken a yadwa zivo am yadwa zivo o na nipeyparwan.’

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 2:17

‘O ciring na ni Ama ta do to am: No marateng rana o araraw ko no makwa am tovoin ko o Seyzi a macikaop do aro a tao. O anak nyo a mahakay a kano mavakes am mangay o kapanoyonoyo da so ciriciring ko. So iyan no malavayo a mahakay a makacita so mapangyangyalak a ipacita ko jira do akma dey tateynep. So iyan no rarakeh a mahakay a meytateynep so mapeyzokab a ipatateynep ko sira.

Nimlivolivon 21:9

Amyan so papat a mavakes a anak na a jya nimacivahavahay pa. Sira rana am mamimin sira mateneng a mangononong so ciriciring na ni Ama ta do to.

Loma 1:11

Inaoy si macita ko inyo a kananao ko jinyo a kowyat nyo na meyhanhan ni Ama ta do to, do kasidong na jinyo no Seyzi.

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

1 Kedinto 12:18

Am to na mangozai ni Ama ta do to o nakem na mapeykapyapinpin so makakaday do kataotao ta an.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 14:1

Am ori o ikakdekdeng nyo pa mangarilaw so icyatatao nyo. Akman sang, ta ikakza nyo o teneteneng a kano oyowyat a itoro na jinyo no Seyzi. Am ney makdeng na am mangononong so ciriciring na ni Ama ta do to.

1 Kedinto 14:24

Am no malovot kamo a mangononong so ciriciring na ni Ama ta do to a kasdep da no ji manaralay a tao am jyabo kaji da makanakman so raraten da, do pakamizngan da so ipanci nyo a ciriciring na ni Ama ta do to.

1 Kedinto 14:29

Am o mangononong so ciriciring na ni Ama ta do to am apya ka rarwa da am tatlo no manci nya. O mangamizing a tao am pakamizngen da o kanoyong na kalas na no ciring da.

1 Kedinto 3:5

Ikongo angangayan ni Apolo a ka nyaken. Yamen rana am na kapeylamlamsoy jyamen ni Ama ta do to a yamapalolo jinyo a yaomanoyong ji Yeso Kizisto. Ta namen to mangozai o nitoro na ni Ama ta do to a vazay.

1 Kedinto 7:7

Ko ikakza o kakman nyo jyaken a ji nimapazagpit. Am kaji na meyyangangayan no nakenakem do kataotao a nitoro na ni Ama ta do to. Ta myan so tao a akman sang. Amyan so tao a jyakman sang.

2 Kedinto 8:12

No si manoyong kamo so onowned no meykingking kamo am jyabo kaji na narayan ninyo ni Ama ta do to a. Ta o kakzeben na jinyo ni Ama ta do to am beken a karo na, ta o myamyan jinyo.

Ivoso 3:5

No kakwa am abo pa tao a nimapatwaw so nanao eya a omaing ji Kizisto. Am sicyaikwaya am na rana patwawen no Seyzi do nipamnekan na ni Yeso a omlivolivon no ciriciring na tao a kado mangononong so ciriciring na ni Ama ta do to.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Veydipi 3:15

Am ori o ikamimin ta yamakdeng so nakenakem ji Ama ta do to a makateneng do akman sang an. No si macitarek o nakenakem nyo am cyaha, ta si Ama ta do to o mapananao nya jinyo.

1 Tesalonicya 5:20

Ji nyo ngolala o ipanci da no meylimwang no ciriciring na ni Ama ta do to.

2 Pite 1:20

O ney makdeng na am ji nyo to ngonongonongi a pehtawen o ciring no panoyonoywan na so ciring ni Ama ta do to do Seysyo.