Loma 12:18 - Seysyo No Tao

¹⁸ Makapya kamo so nakenakem do icyatatao nyo.

Loma 12:18 ပူးပေါင်းရင်းမြစ်များ

Matay 5:24

to mo pamtadan o kingking mo, ta manmanma pa o kangay mo mapalap so nakem mo a kano yamacioya jimo a kakteh mo a kapiya na rana no nakenakem nyo a kapatanang mo rana so kingking mo.

Matay 5:5

“O mapanalawbo so kataotao da tao am tey yapya sira. Ta mahap da o nipanci na pa ni Ama ta do to a yazaw na sira.

Matay 5:9

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

Make 9:50

O asin rana am tey yapya. Am no jyapait rana am ikongo pavowin do dang a kapait na. So inaran nyo so akman so asin a mapeypyapya so nakenakem no icyatatao nyo.”

Loma 1:15

Am ori o ko ikakman sang a yamakza no kapeylimwang no Mapasaray a Ciriciring na ni Ama ta do to jinyo a yameyili do Loma a tao.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 14:19

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

1 Kedinto 7:15

Am no karwan da sira o manaralay a kadwan da do vahay am to nyo na macyozai o akman sang. Tana mahakay a tana mavakes am ji nyo na ratan, ta o nipamnekan na jyaten ni Ama ta do to am kakzeben na yaten apiya so nakenakem do kavavahay ta.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Ivoso 4:3

Makowyowyat kamo pa mapeyyanowanop so kadwan jinyo. Ta ori o icyakma nyoy yasa so onowned a yanan no Seyzi.

1 Tesalonicya 5:13

So karilawan nyo nira ahapen so vazay an. Makapiya kamo so nakenakem do kadwan jinyo an.

2 Timotay 2:22

Ji mo nginara sira o malavayo a tao a to mangozay do nakenakem da, ta o ahapen mo am ji meyrahet a nakenakem, kakdeng no onowned mo ji Ama ta do to, kapeypakatkat no pangangarilawan mo a kano kapya no onowned mo do icyatatao mo, do yamo ipacizanod do tao a mahap so vazay na ni Ama ta do to a mazngang so onowned.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

1 Pite 3:11

Ney yapya na am peymakarwan na o marahet a vazay na a kasazap na so apiya vazay. To na noiban do karawan o kapiya na so nakem do icyatatao na.