Loma 12:17 - Seysyo No Tao

¹⁷ Ji kamo mapatongtonggal. O ipanci no tao apiya vazay am ahapen nyo a peyvazain.

Loma 12:17 ပူးပေါင်းရင်းမြစ်များ

Matay 5:24

to mo pamtadan o kingking mo, ta manmanma pa o kangay mo mapalap so nakem mo a kano yamacioya jimo a kakteh mo a kapiya na rana no nakenakem nyo a kapatanang mo rana so kingking mo.

Matay 5:39

Am ko pa ipanci jinyo am taosya o kapatonggal nyo do ji makazid jinyo. No amyan so tao a somiplang so wanan a posngi mo am to mo pa norwan o asa ka posngi mo a siplangen na.

Loma 12:19

Ji nyo to meyneynakman o kapatonggal nyo do amwoya ninyo a tao, manga keypong. Cyaha, ta si Ama ta do to o mapasapa do dang. Ta maniring do Seysyo am, “Yaken o mapasapa do oyaoyyan da ninyo. Yaken o mapeyvazay so amwoya ninyo.” Ori rana am ciring na no Panirsirngen ta.

Loma 14:16

Tana apya jimo o naknakmen mo a vazay mo am ji mo peyvazaya o raten da no tao a itamwad da jimo.

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.

1 Tesalonicya 4:12

So ji nyo meyhanhani no icyatatao nyo a mapatodeh jinyo. So ikanoyong nyo a ikanig da no ji manaralay a tao.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

1 Tesalonicya 5:22

Peymakarwan nyo o peyraratenan nyo do teyrahem.

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.