Loma 12:13 - Seysyo No Tao

¹³ Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

Loma 12:13 ပူးပေါင်းရင်းမြစ်များ

Matay 25:35

Ta no kakcin ko am nipakan nyo yaken. No kawaw ko am nipeyyop nyo yaken. No kapangilili ko am nitaotao nyo yaken do vahay nyo.

Nimlivolivon 10:4

To na nita o tinsi, ta ikamogaw na. Maniring am, “Mo Panirsirngen, ikongo mo ipanci ang.” Maniring o tinsi am, “Na imo manakem ni Ama do to, ta nimamizing na o inozi mo. Na katenngan o mo panidongan so ji makahakaw a tao.

Nimlivolivon 4:35

O nipalit da nizpi am nyangay da do nipamnekan ni Yeso a omlivolivon no ciriciring na a kavonong da sya. To da palololwa do ikeykasi da tao o kavonongan na.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

1 Kedinto 16:15

Nyo katenngan sira Setiva yasa ka vahay, ta sira rana yasa ka vahay do Sila am ney manma sira niomanoyong ji Yeso a tao a tey mowyat a somidong so sinjya.

2 Kedinto 9:1

O vazay rana do sidongan ta so sinjya do Yotay am tana ji ko na meyteygami jinyo.

2 Kedinto 9:12

Ta o kingking nyo am yamanoyong yamakasidong so sinjya. So ikanoyong da no aro a tao a somaray nya ji Ama ta do to.

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Veydimeng 1:7

O pangangarilawan mo, mo Veydimeng am yatey rako na nipasarayan jyaken, na nipaitan jyaken. So da ikamimin no akma tey kakteh do cinai a yasomaray nimo.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Sipolay 13:2

Taotawwen nyo sira o tao do teyhesa ka ili do vahay nyo. Ta nimyan so tao a nimanaotao so tao do teyhesa ka ili am ji na tentenngi ka tinsi na no nitaotao na.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

1 Pite 4:9

Masaray kamo a tomaotao so omatao jinyo a tao. Taosya o kaoya nyo so aktokto a amrapong sira.

1 Yowani 3:17

No myan so mabsoy a tao a makacita so akma ney kakteh do cinai a ji makananaob a kato na ngilikan sya am ji na mancyan keyyan na jya no pangangarilawan ni Ama ta do to.

3 Yowani 1:5

Mo keypong, yatey makdeng o nakenakem mo a yamahap so vazay no akma moy kakteh do cinai. Tana kadwan lili am yakman sang o nakem mo sira.