Loma 12:11 - Seysyo No Tao

¹¹ Taosya o malma, ta kowyat nyo a meyvazay. Ahapen nyo o makdeng a nakenakem nyo a omahap so vazay na ni Ama ta do to.

Loma 12:11 ပူးပေါင်းရင်းမြစ်များ

Matay 24:12

Ikongo do to meyzangkap o meyraraten a tao, am ori o ikabo na rana no pangangarilawan no tao.

Matay 25:26

Maniring o lawpan am, ‘Imo rana am tana ka marahet pa ka jyalma a lamlamsoy am no mo katenngan yaken a yakomakzeb so keyyan no mahap ko do kabwan no nimowa ko am

Nimlivolivon 18:25

Amyan so nimnanao sya no ciring a omagaz ji Yeso. Am ori o ikowyat na mangnanao. Am o nipangnanao ni Yowani a nimanaktak o katenngan na.

Nimlivolivon 20:19

Ko ji pahamaha o nakenakem ko do ko kahap so vazay na ni Ama ta do to. Tana peyrarehten da yaken no tao do Yotay, tana kalahen da yaken a zakaten am ji ko a mamman. O kapeyvazay ko so vazay ni Ama ta do to.

1 Kedinto 7:22

Ta o lamlamsoy da tao a omanoyong ji Yeso am to naliway rana sira do tangain na ni Ama ta do to. Akman so sang sira o to naliway a tao a omanoyong ji Yeso, ta lamlamsoy na sira ni Yeso Kizisto.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

Kelosi 4:1

Inyo rana yamapeylamsoy a tao am peyyangangain nyo o nakenakem nyo so peylamsoin nyo a tao. Ta nyo katenngan na keyyan no Tao do to nyo do teyngato a yatomita so vazay nyo.

1 Timotay 5:13

Sira rana am kalivolivon da meyyowyaw a abwata so vazavazay. O maraherahet pa vazay da am ikazyak da o beken a vazay da, kapeygamogamo da no marahet a ciriciring.

Sipolay 12:28

Am ori o sarayan ta no to meyyonong a ji rana gonagonay a italamozong na ni Ama ta do to a yanan ta do teyngato. To ta mangozai o isaray na ni Ama ta do to a peyvazain, kowyat ta amraralay nya.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.

Ipaziman 2:4

Am yamyan so yasa ka vazay a yako oyyan ninyo. Ori rana am yarana nimablis o nyo kararalay nyaken. So nyo rana jyakmai no kakwa so onowned.