Loma 11:5 - Seysyo No Tao

^5-6 Yakman sang sicyaikwaya do Isedi a tao. Ta yana nipamnekan ni Ama ta do to sira o yapereh a tao. Na pangozayan o pangangasyan na a yamamnek do tao. So ikabeken a apya icicirawat da no yana pangozayan. No si manoyong o kapangozay na do apya icicirawat no tao am malas o pangangasyan na.

Loma 11:5 ပူးပေါင်းရင်းမြစ်များ

Loma 11:28

Da nitaosya no tao do Yotay o Mapasaray a Ciriciring na ni Ama ta do to. Am ori o na likodan jira ni Ama ta do to a na katoro nya jinyo a beken a tao do Yotay so na pangangasyan ni Ama ta do to. Am meykongwen o pamnemnekan na ni Ama ta do to a marilaw sira. Ta akman sang o aryarilaw na sira so ineynapo da no kakwa pa.

Loma 9:11

Am ikongo do nipamnekan na o asa ka anak na, am ori o nipacisirsiring na ni Ama ta do to ji Leypeycya. Maniring am, “Allamen na no rakrakeh o ananak.” Am no kapacisirsiring na jya am abo pa dang o marahet a kano apya a vazay. Ta ji sira pa nimalikey o meyketeh ang. Am ori o ikanoyong na ni Ama ta do to a mangozay do nakenakem na. So ji na monganai do kapyapya no icicirawat no tao o pamnekan na ni Ama ta do to.

Loma 9:27

O nipanci na pa ni Isayya do Isedi a tao am, “Tana akmey anay do pasalan sira so karwaro o Isedi a tao am apereh jira o ahapen na ni Ama ta do to.