Loma 11:36 - Seysyo No Tao

³⁶ Ta yamamimin o makakaday a yana nyamamaog. So ika iya na no tomalamozong no makakaday do karawan. Inaoy no si mangay jya o azwazway na mangay do kaidan no karawan. Amin.

Loma 11:36 ပူးပေါင်းရင်းမြစ်များ

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Locya 19:38

Maniring sira am, “Azwazwain ta o Panirsirngen ta a nitovoy ni Ama ta do to. So iyan na do teyngato no sarasaray a kano azwazway a mangay jimo, mo Ama do to.”

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Nimlivolivon 17:28

Ta maniring o asa ka tao am, ‘Iya o yapwan no inawan ta do karawan a yaomzat jyaten.’ Maniring pa sira o mateneng a tao a macikeylyan jinyo am, ‘Yaten rana am akma ney anak yaten.’

Loma 16:27

Azwazwain ta si Ama ta do to a tey mateneng a Tao do to a mangay do kaidan no karawan, do kanisomidong na jyaten ni Yeso Kizisto. Amin!

1 Kedinto 11:12

Tana nimapo o ney manma a mavakes do mahakay am nimapodpod o mahakay do mavakes a kapo no makakaday a masaod no karawan ji Ama ta do to.

1 Kedinto 8:6

yaten rana a yamraralay ni Ama ta do to am yasa si Ama ta do to a na yapwan no meycyamadadayan. So yana ikanoyong a tomalamozong nyaten. Akman sang, ta abo ikararwa na ni Yeso Kizisto a Panirsirngen ta a nimangamamaog so meycyamadadayan a yana yapwan no ikavyay no pahad ta.

Cyalatay 1:5

Inaoy no azwazwain ta si Ama ta do to mangay do kaidan no karawan. Amin.

Ivoso 3:21

Inaoy si pangozayan ta a yamraralay ni Yeso Kizisto a tao o kato ta meyyonongan a zomwazway si Ama ta do to sicyaikwaya mangay do kaidan no karawan. Amin.

Veydipi 4:20

Inaoy no azwazwain ta si Ama ta do to a mangay do kaidan no karawan. Amin.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

1 Timotay 6:16

Ta si Ama ta do to am jyawakwak. Meyvahay do ji macisngeni no tao a maniray. Abwata pa o nimakacita sya tao. So ikabo no macisazap jya. Inaoy no to meyyonong a azwazwain ta, katalamozong na nyaten. Amin.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Sipolay 2:10

O alalaw na ni Yeso Kizisto am ori o na nipazanodan jyaten akma ney anak ni Ama ta do to a macikasaray do azwazway na. Ta si Ama ta do to rana a nimangamaog so karawan a tomketken do karawan am yatey manoyong o vazay na. Ta si Yeso Kizisto o meypalanginan nyaten a mangay ji Ama ta do to.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

1 Pite 5:11

Inaoy no si mangay o azwazway a kano oyowyat ji Ama ta do to a mangay do kaidan no karawan! Amin.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

Yota 1:25

Si Ama ta do to am abo o ikararwa na a yanitomovoy si Yeso Kizisto a Panirsirngen ta a mapatazadang jyaten do teyngato. Inaoy si mangay jya o azwazway do teyngato a kado teyrahem nimapo no kakwa, na kai sicyakwaya a kangay na do kaidan no karawan. Amin.

Ipaziman 19:1

Komavos ori am makamizing ko pa so macyak a ciring. So icyakma dey amlololos no tao do teyngato. Maniring sira am, “Anooden ta si Ama ta do to. Ta si Ama ta do to o yamapatazadang jyaten a kano yapwan no azwazway a kano oyowyat.

Ipaziman 21:6

Maniring pa jyaken am, “Yarana nikomavos. Yaken rana am Aarva kano Yamicya. Yaken rana am nikapwan na kano pangavosan na. No myan so mawaw am itoro ko o atbod a yopen na a yapwan no to meyyonong a ikavyay no pahad na. Am ori rana am abo ngina na.

Ipaziman 7:10

Maniring sira amlololos am, “Isaray ta si Ama ta do to a omlisna do lilisnan a kano Kagling, ta sira o mapatazadang jyaten.”

Ipaziman 7:12

Maniring sira am, “Amin. Inaoy no si omaing jimo mo Ama do to o sarasaray a kano azwazway a kano teneteneng a kano keynakman a kano oyowyat a mangay do kaidan no karawan! Amin!”