Loma 11:29 - Seysyo No Tao

²⁹ Ta jyablis o nakenakem na ni Ama ta do to a marilaw no nipamnekan na tao.

Loma 11:29 ပူးပေါင်းရင်းမြစ်များ

Loma 11:30

No kakwa am ji nyo ngonoci si Ama ta do to a beken a tao do Yotay. Am nyo na mahap o pangangasyan na ni Ama ta do to. Ta da ji ngonoci si Ama ta do to no tao do Yotay.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

Loma 8:30

Ta o tao a nipamnekan na ni Ama ta do to a amraralay nya am nipanop na sira a omanoyong jya, kabnek na sira abo so raraten do tangain na. So ikanoyong da macikazway jya do teyngato no makwa.

1 Kedinto 1:26

Manga kakteh, naknakmen nyo an. Ta akman kamo so wanjin a tao no kapamnek na jinyo ni Ama ta do to. No ahapen ta do tao am apereh jinyo o mateteneng a kano meynakem a tao.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Ivoso 4:4

Ta yaten rana yamraralay ni Yeso am yata akmey yasa so kataotao. Yasa o Seyzi a yamyan jyaten a yasa so ipeynanakem a yameyhanhan ni Ama ta do to a yanimapanop jyaten.

Veydipi 3:14

Am ori o ko icyakmey malayo a tao a yasomazap so ko angayan, do ko kanakenakem so ko kapakahap so azaw ko ji Ama ta do to a to meyyonong a ikavyay no pahad. Ori rana am nipamnekan na yaken ni Ama ta do to a omanoyong ji Yeso Kizisto a kapakahap ko na sang.

2 Tesalonicya 1:11

Am ori o namen ikasangib a meynozi ninyo. So ipacimangno na no nakem na jinyo ni Ama ta do to. Inaoy si itoro na o oyowyat na a isidong na jinyo. So ipakateneng nyo jya a omonot do apyahen na vazay ni Ama ta do to. Ta na sidongen inyo, do nyo kapeyhanhan nya.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 7:21

Am si Yeso am amyan so ciring na sya ni Ama ta do to. Maniring am, “Ji ko na ablisi o nakenakem ko a mamnek jimo a mapatanatanang so nakem no tao a mapasyasi nira jyaken a mangay do kaidan no karawan.”

2 Pite 1:10

Ori an manga kakteh an, ipakowyowyat nyo pa a mapeyyan sya do onowned nyo so mina kapamnek na jinyo ni Ama ta do to. Ta no si akman kamo sang am jyabo kapeyparai nyo ji Ama ta do to a,