Loma 11:17 - Seysyo No Tao

¹⁷ O tao do Yotay am sira akman so kayo a meyngaran so kanlan a polcingen a kangay mapatolang so yangaw no jya nimowa kanlan. Inyo rana beken a tao do Yotay am kapalangayan nyo o yajya nipamowa kanlan. So yanyo ipacizanod do tao do Yotay a na ikarilaw ni Ama ta do to.

Loma 11:17 ပူးပေါင်းရင်းမြစ်များ

Matay 21:43

“Am ori o ko pancyan nya jinyo so kaji na rana nalamozongan ninyo ni Ama ta do to, ta italamozong na o mangononong do ciring na a tao.

Yowani 15:1

“Yaken rana am akma koy meyngongyod a potaw a kayo. Si Ama o omaponged nya.

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Yowani 15:6

O komaro jyaken a tao am kapalangayan na o yangaw no kayo a nimapolcing a kawalit nya a karokop na rana a kabedbed da sya no tao a ipanotong a katemtem na rana.

Nimlivolivon 2:39

Ta ori o nipanci na itoro na jinyo a kano ananak nyo a pacyangayan da no tao do peycyamahamahatawan na. Ta tamo mamimin a rarahen ni Ama ta do to a Panirsirngen ta.”

Loma 11:24

Inyo rana beken a tao do Yotay am yakamo akmey yangaw no yajya nipamowa a kayo do kahasan a nimapolcing a yada kapatolang sya do nimowa kayo. Am sira akmey nipamowa kayo o tao do Yotay. Kakwakwan nyo a na patolangen a yamacitarek a yangaw no kayo am imanngo sira o tao do Yotay. Jyabo kaji na patolangan pa sira do kayo ori a.

Cyalatay 2:15

“Yajyalas. Ta imo a ka nyaken am ta manoyong a yamacitetngehan do tao do Yotay. So ji ta nginarai so beken a tao do Yotay a ji ngahap so iwawalam ni Moyse.

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Kelosi 2:13

No kakwa pa am abo pa jinyo o to meyyonong a ikavyay no pahad nyo, do keyyan no raraten nyo a nimacisyay ji Ama ta do to. Am kanimapazanod na jinyo ji Kizisto a avyain ni Ama ta do to, do kanimvonas na rana so raraten ta ni Ama ta do to.

Ipaziman 11:4

O rarwa ka lamlamsoy na ni Ama ta do to am katonodan da o adwa ka kayo a kano adwa ka zampo a meytatanek do tangain ni Ama ta do to a Panirsirngen no karawan.