Loma 11:11 - Seysyo No Tao

¹¹ Am o yako ipacici jinyo am manngwa, to sira na nakeb o tao do Yotay a ji na ngapa rana ni Ama ta do to? Jyabo kakman na sang a. Ta sicyaikwaya am na avyain o beken a tao do Yotay. So kaoyyan da nira ikeynanahet no tao do Yotay a kablis da rana so onowned da a omanoyong rana ji Ama ta do to.

Loma 11:11 ပူးပေါင်းရင်းမြစ်များ

Locya 20:16

Jyabo kaji na balinasan sira a kapapalit na so tao a amvood so nihakawan na.” Mamizing da no aro a tao o ciriciring na am ipanci da o, “Jyabo kato na akmanan sang no vazay a.”

Nimlivolivon 13:42

Mateyka rana mangononong si Pawlo am karwan da rana kani Parnapo o peyneynozyan. Maniring sira o niomamizing sya a tao am, “Si ipisa kapeywalam no tao am mai kamo pa omnanao jyamen.”

Nimlivolivon 18:6

Am ji da ngamiznga, ta o karaherahet da sya. Am ori o nitoktokan na ni Pawlo do talili na so ibeybek. Maniring pa jira am, “Si amyan so oyaoyyan na ninyo ni Ama ta do to no makwa am beken a yaken o raraten an, ta monganay jinyo an. To ko na papwa sicyaraw eya o kangay ko na a mangnanao so beken a tao do Yotay.”

Loma 10:19

To ko na macitangain jinyo am manngwa, yada jyatenngi no Isedi a tao o kamimin na so tao ahapen ni Ama ta do to? Akman rana sang am nipanci na rana ni Moyse a ciring na ni Ama ta do to. Maniring am, “Ikarilaw ko sira o beken a tao do Yotay a keynanahet nyo nira a tao do Yotay.”

Loma 11:1

To ko na macitangain jinyo am manngwa, nitaosya na sira ni Ama ta do to o nipamnekan na tao? Jyabo a. Ta yaken rana am Isedi a tao ko a sivovoong na ni Apolahan a macitetngehan ji Penyaming.

Loma 11:12

Yada nipeypapya no tao do karawan o da kajya niomanoyngan ji Ama ta do to no tao do Yotay. Am no si mamlis rana sira o tao do Yotay a kavyay na sira ni Ama ta do to am jyabo kaji na rakorakwan pa no peypapyan na so tao do karawan a.

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Loma 11:31

Akman sang sira o tao do Yotay. Tana ji da nganoyngi si Ama ta do to sicyaikwaya am mahap da o pangangasyan na no makwa.