Loma 11:1 - Seysyo No Tao

¹ To ko na macitangain jinyo am manngwa, nitaosya na sira ni Ama ta do to o nipamnekan na tao? Jyabo a. Ta yaken rana am Isedi a tao ko a sivovoong na ni Apolahan a macitetngehan ji Penyaming.

Loma 11:1 ပူးပေါင်းရင်းမြစ်များ

Locya 20:16

Jyabo kaji na balinasan sira a kapapalit na so tao a amvood so nihakawan na.” Mamizing da no aro a tao o ciriciring na am ipanci da o, “Jyabo kato na akmanan sang no vazay a.”

Nimlivolivon 22:3

“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta.

Nimlivolivon 26:4

“O iwawalam ko no kalyalikey ko, na kai sicya rarakeh ko na ya do ili namen a kado Yelosaleng am yada mamimin a katenngan no tao do Yotay.

Loma 11:11

Am o yako ipacici jinyo am manngwa, to sira na nakeb o tao do Yotay a ji na ngapa rana ni Ama ta do to? Jyabo kakman na sang a. Ta sicyaikwaya am na avyain o beken a tao do Yotay. So kaoyyan da nira ikeynanahet no tao do Yotay a kablis da rana so onowned da a omanoyong rana ji Ama ta do to.

Loma 3:4

Jyabo kakman na sang a. Tana todamimin o tao a mangalalas am jyabo kapangalalas na ni Ama ta do to a. Akman so ciring na do Seysyo. Ta maniring am, “No mehtaw o ciring mo am yamo pangononongan an. No kapacici da jimo am ji ka nikapatawan.”

Loma 9:3

Tana mazavat rana o karilawan na nyaken ni Kizisto do kahap na sira ni Ama ta do to so kasina ko no inawan am apyahen ko o akman sang.

2 Kedinto 11:22

No si Sipolay a tao sira am Sipolay ko an. No si Isedi a tao sira am Isedi ko an. No si apwapo na sira ni Apolahan am apo na yaken an.

Veydipi 3:5

Kawao araw ko pa nimatazak a tao am niyongkadan da na yaken no iweywawalam ta. Ta manoyong ko a Isedi a tao a macitetngehan ji Penyaming. So ikanoyong ko a macikownongan do Sipolay a tao. No hapen ta do iwawalam ta tao do Yotay am makdekdeng ko pa a mangozay jya, do kapacitetngehan ko do tao a macyagom do Vadisay.