Loma 10:3 - Seysyo No Tao

³ Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

Loma 10:3 ပူးပေါင်းရင်းမြစ်များ

Locya 10:29

Ikongo do jyalpid, am ori o nipacicyan na pa si Yeso. Maniring jya am, “Sino ikarilaw ko a icyatatao ko.”

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

Loma 1:17

Ta o Mapasaray a Ciriciring na ni Ama ta do to o ipakateneng ta do kabnek na jyaten ni Ama ta do to a abo so raraten do tangain na. O yapwan na no nya am amyapo do kapeyhanhan ta nya. Ta maniring do Seysyo am, “O tao rana a abneken na ni Ama ta do to a abo so raraten do tangain na am mahap da o to meyyonong a ikavyay no pahad da.”

Loma 10:2

To ko na macitangain jinyo am yamanoyong da kakdeng no nakem ji Ama ta do to. Am yaji macimangno o da katenngan.

Loma 10:20

Nipakoyokoy na pa ni Isayya a ciring am, “Makala da rana yaken no ji ngala jyaken a tao. Mapacita ko do yaji ngala jyaken a tao.”

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 3:26

Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Loma 5:19

Yakman sang o aro a tao a omamoon so raraten ni Adam. Am kanyahap na rana ni Yeso Kizisto so vazay ni Ama ta do to a mawakwak no raraten ta. Am ori o ikamimin no tao a meyhanhan nya abneken na ni Ama ta do to a abo so raraten do tangain na.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.