Loma 10:2 - Seysyo No Tao

² To ko na macitangain jinyo am yamanoyong da kakdeng no nakem ji Ama ta do to. Am yaji macimangno o da katenngan.

Loma 10:2 ပူးပေါင်းရင်းမြစ်များ

Yowani 16:2

Mangay kapasyay da jinyo do peyneynozyan. Amyan so araraw no iwakwak da jinyo. Am ipanci da ori a agoman da ni Ama ta do to.

Nimlivolivon 21:20

Mamizing da no akma nameney kakteh do cinai am isaray da ji Ama ta do to. Am maniring sira ji Pawlo am, “Mo kakteh, do namen naknakman sya am ala sira rana amlaksa o tao a omanoyong ji Yeso Kizisto a tao do Yotay. Sira rana ori am makdeng sira mahap so iwawalam na ni Moyse.

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

Nimlivolivon 22:22

Mamizing da no tao o niononongan ni Pawlo am amlololos sira manci no, “Zakaten ta si Pawlo. Zakaten ta si Pawlo. Jyabo kavyay so akman sya ya.”

Nimlivolivon 22:3

“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta.

Loma 10:1

Manga kakteh, ko tey kakza sira o Isedi a tao a kasina ko no inawan a ahapen na ni Ama ta do to. Am ori o ko jimtaji nira a ipeynozi ji Ama ta do to.

Loma 10:3

Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

2 Kedinto 8:3

Ko na ji naywa o ciring ko am o kingking da am yarwaro rana kano yada makazamo do kataotao da a da nakem si Ama ta do to.

Cyalatay 1:14

Makdekdeng ko pa kano kapalangayan ko a tao do Yotay a mahap so iwawalam namen do anodan namen a tao do Yotay. Tana nanao da no ineynapo namen no kakwa am akman sang, ta tey makdeng ko a mangozay jya.

Cyalatay 4:15

kasasaray nyo no kano nang, kaji nyo ngosowan so mata nyo a itoro jyaken, do nyo karilawan nyaken. Am kamo makongokongo sicyaikwaya.

Veydipi 1:9

O ko peynozyan ninyo am kaji na meypahahayan no pangangarilawan nyo a meypahagnat. Akman sang o teneteneng nyo a makapatak no makakaday a vazay.

Veydipi 3:6

No hapen ta do kakdekdeng ta no onowned am nimacivosoy ko rana do niomanoyong ji Yeso a tao. Am no si pangozayan ta o iwawalam na ni Moyse a cittan ta so kapyapya ta am jyabo karatan ko a.

Kelosi 4:13

To ko na macitangayan jinyo a tao do Kelosi am aro alalaw na do kasidong na jinyo, pacyangayan nyo a sinjya do Lawticya kado Silapodi.