Loma 10:19 - Seysyo No Tao

¹⁹ To ko na macitangain jinyo am manngwa, yada jyatenngi no Isedi a tao o kamimin na so tao ahapen ni Ama ta do to? Akman rana sang am nipanci na rana ni Moyse a ciring na ni Ama ta do to. Maniring am, “Ikarilaw ko sira o beken a tao do Yotay a keynanahet nyo nira a tao do Yotay.”

Loma 10:19 ပူးပေါင်းရင်းမြစ်များ

Loma 10:18

Am o ko ipanci am manoyong o kaji da nimakamizngan sya no tao do Yotay so ciriciring na ni Kizisto? Jyabo da kajya nimakamizngan sya. Ta maniring do Seysyo am, “O ciriciring na am yada rana nipeylimwang do aro a tao do karawan. Yakman sang, ta yarana nimeylimwang do peycyamahamahatawan na.”

Loma 11:11

Am o yako ipacici jinyo am manngwa, to sira na nakeb o tao do Yotay a ji na ngapa rana ni Ama ta do to? Jyabo kakman na sang a. Ta sicyaikwaya am na avyain o beken a tao do Yotay. So kaoyyan da nira ikeynanahet no tao do Yotay a kablis da rana so onowned da a omanoyong rana ji Ama ta do to.

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Loma 3:26

Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

1 Kedinto 1:12

O peypeypangayan no ciring ko am yamyan kono jinyo so yamanci no na kapacyanod jyaken. Yamyan kono so yamanci no na kapacyanod ji Apolo. Yamyan so yamanci no na kapacyanod ji Pite. Yamyan so yamanci no na kapacyanod ji Kizisto.

1 Kedinto 10:19

Ikongo peypeypangayan no akman sang a ciring. Manngwa, manoyong o kakdeng na no malas a iraralay da kano pazos?

1 Kedinto 11:22

Manngwa, yabo kavahayan nyo a nyo akanan? Kamo manoyong saon a yakomolala so kyokay na ni Ama ta do to a yamapanyanig so ji makahakaw a tao. Akman ko na so wanjin a omnanao jinyo. Manngwa, azwazwain ko inyo? Jyabo kazwazway ko jinyo a.

1 Kedinto 12:2

Naknakmen nyo pala no kaji nyo pa nganoyngan ji Yeso. Jyabo kaji na nitomalamozongan ninyo ni Satan a, do kanimraralay nyo no malas a iraralay nyo.

1 Kedinto 15:50

Manga kakteh, o ko ipanci am o kataotao ta sicyaikwaya am ji macikaop do italamozong na ni Ama ta do to no makwa, ta mawakwak o kataotao ta do teyrahem eya.

1 Kedinto 7:29

O ko ipanci pa jinyo, manga kakteh am yalikey rana ta yahap so vazay na ni Ama ta do to. Am ori an, inyo rana yamyan so kahanghangan a mavakes am akman kamo rana so kabwan no tao a abo rana so ikasanga a mahap so vazay na ni Ama ta do to.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

1 Pite 2:10

No kakwa am beken a italamozong na inyo ni Ama ta do to. Am sicyaikwaya am na rana italamozong inyo. No kakwa am ji nyo a tenngi o pangangasyan ni Ama ta do to. Am sicyaikwaya am nyo na nimahap o pangangasyan na.