Loma 10:15 - Seysyo No Tao

¹⁵ No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”

Loma 10:15 ပူးပေါင်းရင်းမြစ်များ

Matay 9:38

Am ori o ipeynozi nyo ji Ama ta do to a kapanovoy na so tao a meylimwang no ciriciring na.”

Locya 10:1

Meyratateng am mamnek si Yeso so rarwa so ikakawaowan (72) a tao a katovoy na sira teyrararwa mangay do omanam na angayan a peycyeylilyan na.

Locya 2:10

Am maniring jira o tinsi am, “Ji kanyo anyaheyan, ta yamyan so apiya ciriciring a ko ipanci jinyo. O ciriciring rana ya am rako a sarasaray no tao do karawan an.

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Locya 8:1

Meyratateng am nimlivolivon do peycyeylilyan na si Yeso a pangananawan na no Mapasaray a Ciriciring do katalamozong na nyaten ni Ama ta do to. O macihza jya am rarwa so ikakarwan a macinanao jya,

Yowani 20:21

Maniring si Yeso jira am, “Makapiya kamo so onowned an. To ko mangozai si Ama a nitomovoy jyaken. So ikakman ko sang a tomovoy jinyo.”

Nimlivolivon 10:36

Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 13:26

Maniring pa jira si Pawlo am, “Manga kakteh a sivosivovoong na ni Apolahan a ka ninyo a yamraralay ni Ama ta do to a beken a tao do Yotay, yaten o nipeylimwangan na no ciriciring a omagaz do kapatazadang na jyaten do teyngato ni Ama ta do to.

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Loma 1:15

Am ori o ko ikakman sang a yamakza no kapeylimwang no Mapasaray a Ciriciring na ni Ama ta do to jinyo a yameyili do Loma a tao.

Loma 15:20

O ney kakza ko a angayan a meylimwang no Mapasaray a Ciriciring am do ji da pa nimakamizngi so monganay ji Kizisto a ili. Ta ko jyakzan o kapirwa ko so nyangayan da rana nimangnanao.

Ivoso 2:17

O na nyai ni Kizisto am na ipeylimwang do aro a tao o Mapasaray a Ciriciring na ni Ama ta do to, pacyangayan nyo a beken a tao do Yotay a ji makateneng ji Ama ta do to no kakwa ka nira tao do Yotay.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Ivoso 6:15

Akma nyoy tokap o kapeylimwang nyo no Mapasaray a Ciriciring a mapanop so tao ji Ama ta do to.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.