Loma 10:10 - Seysyo No Tao

¹⁰ Ta no anoyngan ta si Yeso am abneken na yaten ni Ama ta do to a abo so raraten do tangain na. Akman sang, ta no to ta na patwawa do tao o kanoyong ta ji Kizisto am manoyong o kahap na rana jyaten ni Ama ta do to.

Loma 10:10 ပူးပေါင်းရင်းမြစ်များ

Make 9:23

Maniring si Yeso am, “No si manoyong kapeyhanhan mo ni Ama ta do to am abo sapan a vazay.”

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Nimlivolivon 8:37

[Maniring si Veydipo am, “Si manoyong o onowned mo am ori o taktakan ko jimo.” Maniring am, “Ko anoyngan si Yeso a Kizisto a Anak ni Ama ta do to.”]

Loma 10:11

Maniring do Seysyo am, “Omanoyong jya tao am amyan so nakem na jira ni Ama ta do to.”

Loma 10:9

No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

1 Yowani 4:15

No amyan so tao a manci no kanoyong na ji Yeso a Anak na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya.

Ipaziman 2:13

Ko katenngan na katey mowyat ni Satan do yanyo peyilyan. Am yanyo jya nipasaklangan yaken no kawakwak da so meylimwang no ciring ko a tao a meyngaran so Antipa do italamozong na ni Satan a ili nyo. Nyo jya nipeymakarwan yaken a iraralay.