Loma 1:7 - Seysyo No Tao

⁷ Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 1:7 ပူးပေါင်းရင်းမြစ်များ

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Nimlivolivon 9:13

Maniring si Ananiya am, “Mo Panirsirngen, ko nimamizing rana do aro a tao o marahet a vazay na do keyyan da no aro a nipakakasi na a omraralay nimo do Yelosaleng.

Loma 1:6

a pacizanodan nyo a tao do Loma a yana nipamnekan ni Ama ta do to a italamozong na ni Yeso Kizisto.

Loma 5:1

O na abnekan jyaten ni Ama ta do to a abo so raraten do tangain na am ta ipeyhanhan si Yeso Kizisto a Panirsirngen ta. So ikanoyong ta rana macikaop ji Ama ta do to.

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

Loma 9:25

Akman so ciring na ji Hesiya. Ta maniring am, “Sira rana jya nimeycicinda ananak ko am ipanci ko na sira anak ko. Sira rana ji ko aktoktwan a ikarilaw am ikarilaw ko na sira.”

1 Kedinto 1:24

Am do tao do Yotay a kano beken a tao do Yotay a nipamnekan na ni Ama ta do to a omanoyong ji Kizisto am katenngan da si Kizisto a yanan no rako a oyowyat na ni Ama ta do to a kano teneteneng na ni Ama ta do to.

1 Kedinto 16:23

Inaoy si itoro na ni Yeso a Panirsirngen ta o pangangarilawan na jinyo.

2 Kedinto 13:14

Inaoy no si macitovong jinyo o pangangasyan ni Yeso Kizisto a Panirsirngen ta kano pangangarilawan na ni Ama ta do to a kapzat na jinyo no Seyzi.

Cyalatay 6:18

Manga kakteh, inaoy si itoro na jinyo o pangangarilawan na ni Yeso Kizisto a Panirsirngen ta. Amin.

Ivoso 1:2

Inaoy si itoro na jinyo o ikapiya no onowned nyo a kano pangangarilawan na ni Ama ta do to a kani Yeso Kizisto a Panirsirngen ta.

Ivoso 6:23

Inaoy no si itoro na ni Ama ta do to a kani Yeso Kizisto o ikapiya no onowned nyo, a kazagoman nyo a yamraralay ni Ama ta do to, a kapanta na ninyo so manoyong a pangangarilawan nyo, a kakdeng nyo na so nakem a meyhanhan nya.

Veydipi 1:2

Inaoy no si itoro na jinyo ni Ama ta do to a kani Yeso Kizisto a Panirsirngen ta o pangangarilawan na kano ikapiya no onowned nyo.

Veydipi 4:13

Ta si Yeso Kizisto a yaomoyat jyaken am ori o ko ipakownong do ko ahahapan sya, do yameycyataretarek a ko masapa.

Veydipi 4:20

Inaoy no azwazwain ta si Ama ta do to a mangay do kaidan no karawan. Amin.

Veydipi 4:23

Inaoy no itoro na ni Yeso Kizisto a Panirsirngen ta o pangangarilawan na jinyo.

Kelosi 1:2

yanamen ipeyteygami inyo a yameyili do Kelosi a sinjya a yatey makdeng so nakem ji Kizisto. Inaoy si itoro na ni Ama ta do to o pangangarilawan na kano ikapiya no onowned nyo.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

Kelosi 3:15

O nitoro na ni Kizisto a ikapiya no onowned nyo am ipeypalanginan na inyo. Isaray nyo ji Ama ta do to. Ta iya o yanimamnek jinyo akmey yasa so kataotao, do yana kanitomoro nya jinyo so ikapiya no onowned nyo.

1 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a omanoyong ji Ama ta do to a kani Yeso Kizisto a Panirsirngen ta. Inaoy si itoro na ni Ama ta do to o pangangarilawan na jinyo a katoro na nya jinyo so ikapiya no onowned nyo.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Tesalonicya 1:4

Inyo rana manga kakteh a na ikarilaw ni Ama ta do to am namen katenngan o mina kapamnek na jinyo a omraralay nya.

1 Tesalonicya 4:7

O na nipamnekan jyaten ni Ama ta do to am beken a mangay ta pasagpyanen o kataotao ta, ta kakzeben na yaten a ji meylimoteng so onowned.

1 Tesalonicya 5:28

Inaoy si itoro na ni Yeso Kizisto a Panirsirngen ta o pangangarilawan na jinyo.

2 Tesalonicya 1:2

Inaoy si itoro na o pangangarilawan na jinyo a kano ikapiya no onowned nyo ni Ama ta do to a kani Yeso Kizisto a Panirsirngen ta.

2 Tesalonicya 3:16

Inaoy no si mangday na itoro jinyo o ikapiya no onowned nyo ni Yeso Kizisto. Ta iya rana am kapwan no ikapiya ta no onowned. Inaoy no si macitovong jinyo si Yeso Kizisto.

2 Tesalonicya 3:18

Inaoy no si itoro na ni Yeso Kizisto a Panirsirngen ta o pangangarilawan na jinyo.

1 Timotay 1:2

Ko ipeyteygami imo, mo Timotay, akma koy manganak do ta kapeyyangay a omanoyong ji Yeso Kizisto. Inaoy no si itoro na jimo ni Ama ta do to a kani Yeso Kizisto o pangangarilawan na kano pangangasyan na kano ikapiya no onowned mo.

1 Timotay 6:2

No si iraralay na si Yeso no mapeylamsoy jinyo a tao am ji nyo akwan a lamlamsoy da o kapeykakteh nyo sira do cinai. Ta ikowyowyat nyo pa somidong so vazay da. Ahapen mo o akman sya vazay a ipangnanao do amraralay ni Yeso a tao.

2 Timotay 1:2

Imo rana mo Timotay a akma koy anak am ko ipeyteygami imo. Inaoy si itoro na jimo ni Ama ta do to a kani Yeso Kizisto a Panirsirngen ta o pangangarilawan na kano pangangasyan na kano ikapiya no onowned mo.

2 Timotay 4:22

Inaoy no macitovong jimo si Ama ta do to. Inaoy no itoro na o pangangarilawan na jinyo.

Tito 1:4

Ko ipeyteygami imo, mo Tito. Imo rana do ta raralayan ni Ama ta do to am ka manoyong a akma koy anak. Inaoy no si itoro na jimo ni Ama ta do to a kani Yeso Kizisto o pangangarilawan na kano ikapiya no onowned mo. Ta si Yeso Kizisto rana am mapatazadang jyaten do teyngato.

Veydimeng 1:25

Inaoy si itoro na ni Yeso Kizisto a Panirsirngen ta o pangangarilawan na jinyo.

Veydimeng 1:3

Inaoy no si itoro na jinyo ni Ama ta do to a kani Yeso Kizisto a Panirsirngen ta o pangangarilawan na kano ikapiya no onowned nyo.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

1 Pite 1:15

Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

2 Yowani 1:3

Inaoy si itoro na jyaten ni Ama ta do to a kano Anak na si Yeso Kizisto o pangangarilawan na kano pangangasyan na kano ikapiya no onowned ta. So to ta na noibi nya do karawan so kapangononong ta do nanao na kano pangangarilawan na ni Ama ta do to.

Ipaziman 2:1

Maniring jyaken si Yeso am, “Ipeyteygami mo o yamimong no kyokay do Ivoso. Si maniring ka am, ‘Yamaniring o yameypinan no wanan na so yapito a ka mata no hanit a yaomalam do avak no yapito a ka peyzeyzampwan a niparing da no ovay am:

Ipaziman 2:12

“Ipeyteygami mo o yamimong no kyokay do Peycyamo. Si maniring ka am, ‘Yamaniring o yameypinan so yamatarem a ipangan am:

Ipaziman 2:18

“Ipeyteygami mo o yamimong no kyokay do Tiyatila. Si maniring ka am, ‘Yamaniring o Anak na ni Ama ta do to a yakmey apoy so mata yamanikap a yameyyai so yakmey aswaz a nilinasan am:

Ipaziman 2:29

O ciring no Seyzi so peycyakyokyokayan na am amizngen nyo a yameycicilwan a tao an.’

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am:

Ipaziman 22:21

Inaoy si itoro na jinyo o pangangarilawan na ni Yeso a Panirsirngen ta. Amin.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am:

Ipaziman 3:22

O ciring na no Seyzi do peycyakyokyokayan na am amizngen nyo a yameycicilwan a tao an.’ ”

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.