Loma 1:30 - Seysyo No Tao

³⁰ Sira macitamtamwad. Da pacioyyan si Ama ta do to. Da pasnesneken o kadwan jira. Da pazwain o kataotao da. Sira manrahet so aktokto a yameyraraten. Da jyaglawan o inyapwan da.

Loma 1:30 ပူးပေါင်းရင်းမြစ်များ

Matay 15:4

No maniring si Ama ta do to am, ‘Ikaglaw nyo a ikanig o inyapwan nyo.’ Maniring pa am, ‘O omavay so inyapwan na am to rana wakwaka.’

Matay 16:21

Nimacipinda no kanang o kato na rana mapazimakmakan so ciring na do macinanao jya a manci no kangay na do Yelosaleng. So ikaro na do dang no alalaw na itoro da jya no kamanrarakehan da no tao do Yotay a kano panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da sya. Am ikatlo na araw am mirwa pa mavyay.

Locya 21:16

Am ipanazang da inyo no inyapwan nyo a kano kakakteh nyo a kano zipozipos nyo a kano kagagan nyo. So iyan da jinyo no tatasa wakwaken da.

Yowani 7:7

Ji da macioyai inyo no tao do karawan. Am pacioyyan da yaken, ta ji ko nitayo o ciring ko jira do raraten da.

Nimlivolivon 5:36

Ta no keypisa am amyan so tao a nimai a meyngaran si Teota a mapakarakarang so kataotao na kapacilolo da no kakapatan a poo (400) a tao. Am wakwaken da si Teota am to sira na meyvwak o nimacilocilolo jya tao, kabo na rana no angangayan na.

Loma 2:17

Inyo rana a tao do Yotay am nyo ipakazwazway o iwawalam na ni Moyse a kano mina kapamnekan na jinyo ni Ama ta do to amraralay nya.

Loma 2:23

Nyo ipakazwazway o na keyyan jinyo no iwawalam na ni Ama ta do to. Am nyo ji peyvazaya. Am ori o na pacikatamwadan jinyo ni Ama ta do to.

Loma 3:27

Am ikongo ipakazwazway ta. Jyabo a. O ko pancyan no nang am beken a ta kahap so iwawalam na ni Moyse o yata ikapya do tangain na ni Ama ta do to. Ta yaomagaz do yata kapeyhanhan ni Yeso Kizisto.

2 Kedinto 10:15

O yanamen jya nimatokod rana a ili am namen jyadkeci a yapazwain a manci no kanimapeyvazay namen sya. Am namen isaray o kapeypahagnat no onowned nyo. Ta ori o karakorako na pa no vazay namen jinyo,

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

2 Tesalonicya 2:4

Iya rana am ioya na sira o tao a ji raralay nya. Ta abneken na o kataotao na makarakarang pa kano iraralay da no tao. So yangay na omlisna do raralayan da ni Ama ta do to a mapakataotao do to.

2 Timotay 3:2

Ta o kataotao da o manakem da. O kapangamkam da so nizpi. O kapahama da so nakem da. O kapanraherahet da. O kapasala da do inyapwan da. Ji da narayan o nisidongan da sira no tao. Jyanoyong o nakenakem da ji Ama ta do to.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Yake 3:5

Yakman sang o lila ta tao. Tana yalikey am yateywara o na patwawen a ciring. Naknakmen nyo pala o apoy. Tana alikey o apoy a amlila am to na lanata pa o rako a kahasan.

Yake 4:16

Am ikeykongo kamo eya a yato mapahama so nakem a ji mangozay do nakenakem na jinyo ni Ama ta do to. O mapazway rana ya am malas ya a vazay.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.