Loma 1:29 - Seysyo No Tao

²⁹ Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

Loma 1:29 ပူးပေါင်းရင်းမြစ်များ

Matay 5:32

Am to ko na macitangayan jinyo am no amyan so ji na nimapanadnaji jimo no mavakes mo am ori o ipakaro mo sya. Am no abo am marahet o kato mapakarwan so kadwan do vahay. Ta no si mirwa a macivahavahay o mavakes am akmey nipya na o mavakes a mapasagpyan so kataotao na. O mapazagpit rana so akman sang a mavakes a tao am raraten na ori.

Loma 3:10

Akman so ipanci na do Seysyo. Ta maniring am, “Abwata o yasa ka tao abo so raraten.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.