Loma 1:25 - Seysyo No Tao

²⁵ Da peymakarwan o manoyong a nanao na ni Ama ta do to a da kahap so malas a nanao amraralay no masaod no karawan a nyamamaog na ni Ama ta do to, a ji raralay no manoyong a Tao do to a nimangamamaog so makakaday. So ika si Ama ta do to na no to meyyonong a iraralay ta. Amin.

Loma 1:25 ပူးပေါင်းရင်းမြစ်များ

Matay 10:37

O mapahamahama pa so inyapwan na ka nyaken am ji ko na abneka o akman sang a tao a macilolo jyaken. O mapahamahama pa so ananak na ka nyaken am ji ko na abneka o akman sang a macilolo jyaken.

Matay 6:24

“Abo o lamlamsoy a meyvazay do rarwa ka lawpan. No ikanig na o asa am ikaoya na o asa. No ikaoya na o asa am ikaglaw na o asa. Marahet o kapasaklang nyo ji Ama ta do to an, a tongdeng do peynizpi nyo an.”

Yowani 2:8

Maniring pa si Yeso am, “Patwaw kamo na katoro nyo nya do yameymatmatngeh no vazay a tao.” Makarahan am yangay da na.

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 1:23

Da ji raralayan o yato meyyonong a Tao do to. Da iraralay o da nipariparing a yakmey taotao a kano meyyasasalap a kano omalalam a kano makakaday a nipariparing da.

Loma 9:5

Sira rana am sivosivovoong da sira no katenngan a ineynapo namen no kakwa. So ipacitetngehan na jira ni Kizisto. Am si Kizisto rana am makarakarang pa kano meycyamadadayan. So ikanoyong na paingan ta so ciring a Tao do to. Amin.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

Ivoso 3:21

Inaoy si pangozayan ta a yamraralay ni Yeso Kizisto a tao o kato ta meyyonongan a zomwazway si Ama ta do to sicyaikwaya mangay do kaidan no karawan. Amin.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

2 Timotay 3:4

Ipacinginangina da o icyatatao da. Ji da naknakma o apiya ahapan da so vazay da. O ahapen da am mapakazwazway sira. Maharahara pa o sarasaray da so makakaday a vazay da a kani Ama ta do to.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.